Հալոթերապիայի նկատմամբ մեծ հետաքրքրության կա ողջ աշխարհում. «Աղե Քարանձավ» հալոկենտրոնի տնօրեն Գոհար Մովսիսյան (տեսագրություն)

Հալոթերապիան բուժման ոչ դեղորայքային մեթոդ է, որի հիմքում ստորգետնյա աղային քարանձավներն են` միկրոկլիմայի վերարտադրումն ու սպելեոբուժարանները:

«Աղե Քարանձավ» հալոկենտրոնում կիրառվում են ոչ դեղորայքային բուժական մեթոդներ`հալոթերապիա, մերսում և արոմաֆիտոթերապիա: Այս մասին Մեդ-Պրակտիկի հետ զրույցում ասաց կենտրոնի տնօրեն Գոհար Մովսիսյանը: Իր իսկ խոսքերով` իրենց կենտրոն դիմում են ամենատարբեր գանգատներով և հիվանդություններով պացիենտներ` շնչուղիների հիվանդություններ (ադենոիդիտ, տոնզիլիտ, ալերգիկ ռինիտ, սեզոնային ալերգիաներ, բրոնխիալ ասթմա, կրկնվող և օբստրուկտիվ բրոնխիտներ, թոքաբորբի հետևանքներ և այլն), մաշկային հիվանդություններ (ատոպիկ մաշկաբորբ, նեյրոդերմիտ, էկզեմա, փսորիազ և այլն), ինչպես նաև սթրեսի նկատմամբ մեծ զգայունություն, նյարդային լարվածություն, անքնություն ունեցող մարդիկ:  10-12 կանխարգելիչ սեանսը բավական է լինում՝ զգալիորեն բարձրացնելու թե՛ փոքրերի, թե՛ մեծերի օրգանիզմի դիմադրողականությունը:

«Հալոթերապիան բուժման ոչ դեղորայքային մեթոդ է, որի հիմքում ստորգետնյա աղային քարանձավներն են` միկրոկլիմայի վերարտադրումն ու սպելեոբուժարանները: Հալոթերապիայի հիմնական ակտիվ գործոնը աղի փոշեցիրն է, որը հագեցնում է սենյակն աղի համապատասխան կոնցենտրացիայով»:

Գ. Մովսիսյանի խոսքերով` այսօր հալոթերապիայի նկատմամբ մեծ հետաքրքրություն  կա ողջ աշխարհում` շնորհիվ մեթոդի բացարձակ անվտանգության և տարբեր տարիքի ու հիվանդությունների դեպքում նատրիումի քլորիդի խտության հստակ սահմանման հնարավորության: Նշենք, որ հալոկենտրոններն աշխարհի տարբեր երկրներում գործում են ավելի քան 20 տարի:

«Մեր կենտրոնում բուժման համար օգտագործվում են հալոգեներատոր և արոմաֆիտոտրոն սարքավորումները»: 

«Աղե Քարանձավ» կենտրոնի տնօրենն ընդգծեց, որ բուժման ընթացքի ճիշտ վարման համար խիստ անհրաժեշտ է ստույգ ախտորոշում, քանի որ դրանից է կախված բուժման օրերի քանակը, օդի հագեցման կոնցենտրացիան, ինչպես նաև ժամանակահատվածը, որը հիվանդն անցկացնում «քարանձավում»:

Հալոթերապիան հնարավորություն է տալիս համատեղել բուժումը հաճելի ժամանցի հետ:

Այս տարվա հունիսից «Աղե Քարանձավ» հալոկենտրոնի մասնաճյուղ գործում է նաև Վանաձորում:

Հարցեր, պատասխաններ, մեկնաբանություններ