Անսպասելի գտածոն բացատրում է մարդու էվոլյուցիան. հնէաբաններ. 1in.am

Աֆրիկա մայրցամաքում հայտնաբերված հնագույն կետի գանգը բացատրում է Արևելյան Աֆրիկայում մարդու հայտնվելու մանրամասները, պնդում են գիտնականները Proceedings of the National Academy of Sciences ամսագրում հրապարակված հոդվածում:

Կենդանու քարացած մնացորդները հնարավորություն են տվել գիտնականներին ճշգրտորեն ժամանակագրել տեկտոնական շարժերը: Հենց այս գործընթացների շնորհիվ էլ մարդու նախահայրն իջել է ծառերի վրայից և սկսել ուղիղ քայլել:

Ինչպես հայտնի է, Արևելյան Աֆրիկայի անտառապատ շրջաններն ինչ-որ պահի սկսել են չորային սավաննաների վերածվել, քանի որ երկրակեղևի բարձրացման պատճառով Հնդկական օվկիանոսից խոնավ օդային հոսանքները դադարել են: Այս գործընթացների ճշգրիտ ժամանակահատվածն անհայտ է: Սակայն այս հարցում գիտնականներին օգնել է հայտնաբերված կետի գանգը: Գանգը հայտնաբերվել է դեռ 1964 թ., նկարագրվել 1975 թ., սակայն հետագայում անհետացել է: Այն պատահմամբ հայտնաբերել են Հարվարդի համալսարանի շինարարությամբ զբաղվող բանվորները: Գիտնականները ենթադրում են, որ հնագույն ժամանակներում խոշոր գետեր են գոյություն ունեցել, որոնցից մեկով էլ լողացել է կետը:

Հարցեր, պատասխաններ, մեկնաբանություններ