Հունվարի 23-ին 1849 թ. Նյու-Յորք նահանգում առաջին անգամ կնոջը բժշկի դիպլոմ է շնորհվել

Այսօր բժշկի մասնագիտության մեջ կանայք ավելի շատ են, քան՝ տղամարդիկ: Չէ̉ որ երբևէ այն միայն տղամարդկանց իրավասությունն էր: Առաջին դիպլոմավորված կին-բժիշկը Էլիզաբեթ Բլեկվելլն էր (1821-1910 թթ.):

Ծագմամբ անգլուհի տասնամյա աղջիկն իր ընտանիքի հետ միասին լքեց միացյալ թագավորությունը: Նրա կարիերան սկսվել է Նյու-Յորքում աղջիկների համար գիշերօթիկից, որը 17 ամյա Էլիզաբեթն ու իր քույրերը կազմակերպել էին որպես ընտանեկան բիզնես՝ հոր մահից հետո:

Բլեկվիլլը երկար ժամանակ բժշկություն էր ուսումնասիրում անհատական կարգով, գիտելիքներ էր քաղում գրքերից և բժիշկ Սեմյուել Դիկսոնի բանավոր հրահանգներից: Ավելի ուշ նա փորձել է ԲՈՒՀ ընդունվել: ԱՄՆ բժշկական դպրոցները մերժեցին նրա դիմումը, Նյու-Յորքի և Պենսիլվանիայի ուսումնական հաստատությունները 19-րդ դարի 40-ական թվականներին աղջիկների չէին ընդունում:

Բացառություն էր Նյու-Յորքից ոչ հեռու գտնվող Ժենևա քաղաքի քոլեջը, որի վարչակազմն ուսանողներին առաջարկել է քվեարկել, թե արդյո̉ք արժե աղջկան ընդունել՝ ուսանելու, թե՝ ոչ: Ուսանողները որոշեցին, որ խոսքը կատակով է ասված և «կողմ» քվեարկեցին:

Էլիզաբեթը լավագույնն էր իր կուրսում և փայլուն ավարտեց ուսումնական հաստատությունը: Այնուհետև, բազմաթիվ բյուրոկրատական խոչընդոտներից անկախ, աղջիկը, միևնույն է, դիպլոմ ու մագիստրոսի աստիճան ստացավ և սկսեց իր գիտելիքները փորձել գործնականում:

1857 թ., իշխանությունների և հանրության դիմադրությունը հաղթահարելով, նա Նյու-Յորքում կանանց համար հիվանդանոց հիմնեց, իսկ ավելի ուշ նաև բժշկական դասընթացներ սկսեց անցկացնել: 1869 թ. բժիշկ Բրեկվիլլը վերադարձավ Անգլիա, որտեղ նույնպես կանանց համար մեկ դպրոց հիմնեց՝ Լոնդոնի բժշկական դպրոցը:

Հարցեր, պատասխաններ, մեկնաբանություններ