Հունիսի 30-ին ծնվել է անգլիացի բուսաբան և ճանապարհորդ Ջոզեֆ Հուկերը

Ջոզեֆ Դոլթոն Հուկերը ծնվել է 1817 թ. հունիսի 30-ին՝ Հեյլսուորտում: Նրա առաջին ուսուցիչը հենց իր հայրը՝ Վիլյամ Հուկերը դարձավ: Ջոզեֆը՝ 7 տարեկանից սկսած, Գլազգոյի համալսարանում նրա դասախոսություններն էր լսում: 1839 թ. Հուկեր կրտսերը բժշկության դոկտորի կոչում ստացավ:

Սովորելուց հետո Հուկերը սկզբում բժիշկ էր: Այս կարգավիճակում նա անտարկտիկական ծովերով և Հարավային մագնիսական բևեռով քառամյա նավարկում կատարեց:

Արշավը 1839 թ. սեպտեմբերի 30-ին սկսվեց: Նա բազմաթիվ վայրերում եղավ, ամենուրեք հավաքեց բուսաբանական հավաքածուներ: Հետազոտողներն Անգլիա վերադարձան 1843 թ. սեպտեմբերի 4-ին:

Հուկերի համար ճանապարհորդության արդյունքը նրա երեք աշխատանքները եղան՝ «Flora Antarctica», «Flora Novae Zelandiae» и «Flora Таsmanica»: Նավարկման ժամանակ Հուկերը Չարլզ Դարվինի «Ճանապարհորդությունը Բիլգի վրա» աշխատանքը կարդաց: Նա շատ տպավորված էր բնագետ Դարվինի հմտությամբ: Վերադարձրց հետո նա նամակագրություն է սկսում Դարվինի հետ: Դարվինը նամակներից մեկում նրան խնդրեց դասակարգել Գալապագոսում հավաքած բույսերը: Հուկերը համաձայնեց: Դարվինն, իր հերթին, բույսերի աշխարհագրության վերաբերյալ Հուկերի տվյալները կիրառեց էվոլյուցիայի տեսությունն ապացուցելու համար: Այստեղից սկսվեց երկու գիտնականների միջև երկար ընկերությունը:

Երեսուն տարեկան հասակում Հուկերը Թագավորական հասարակության անդամ ընտրվեց, իսկ 1873 թ. նախագահը դարձավ:
Ջոզեֆ Դոլթոն Հուկերը մահացավ 1911 թ. դեկտեմբերի 10-ին քնի մեջ:

Հարցեր, պատասխաններ, մեկնաբանություններ