Եգիպտոսում 5.600 տարվա վաղեմության մումիա են հայտնաբերել, որը պատկանում է նախատոհմական ժամանակներին. tert.am

Հնագետները Եգիպտոսում 5600 տարվա հնության մումիա են հայտնաբերել, որը պատկանում է նախատոհմական ժամանակաշրջանին:Ինչպես հայտնում է Russia Today-ը՝ հայտնագործությունը պատկանում է ամենահին ժամանակաշրջաններին և կարող է կրել ամենավաղ քաղաքակրթության պատմության շունչն ու վերակերպումը:

Հայտնագործությունն արվել է Վերին Եգիպտոսի պատմական մայրաքաղաք Նեջենի մոտակայքում՝ Կոմ ալ Ահմար կոչվող տարածքում:

Սկզբում հնագետները կարծում էին, որ դամբարանը, որը պեղում էին, կառուցվել է հին Եգիպտոսի առաջին փարավոնի՝ Նարմերի օրոք, ով հիմնել է առաջին դինաստիան՝ մ.թ.ա. 3050 թվականին, սակայն ուսումնասիրությունները պարզեցին, որ այն 500 տարով ավելի հին է:

Եգիպտոսի հնությունների նախարարության տվյալներով՝ մումիան պատկանում է առաջնորդին, ով մահացել է հավանաբար՝ 18 տարեկանում և կարող էր նահանգի կառավարիչ լինել:

Հարցեր, պատասխաններ, մեկնաբանություններ