1763 թ. նոյեմբերի 23-ին Եկատերինա II Ռուսաստանում հաստատեց Բժշկական խորհուրդ

Եկատերինա II-ն իր թագավորության ամենասկզբում՝ 1763 թ. նոյեմբերի 23-ին, սահմանեց բժշկական խորհուրդ, որի առաջին նախագահը դարձավ բարոն Չերբակովը: Հենց նա բարձրացրեց ծաղիկի դեմ պատվաստում իրականացնելու խիստ անհրաժեշտության հարցը՝ երկրի բնակչությանը այդ սարսափելի հիվանդությունից պաշտպանելու նպատակով:

Եվրոպայում ծաղիկի համաճարակները հազարավոր կյանքեր էին խլում: Բայց հենց XVIII դարում են անց կացվել ծաղիկով արհեստական վարակման առաջին փորձերը, և մարդիկ հիվանդության թեթև ձևով հիվանդանալուց հետո իմունիտետ ձեռք բերել հիվանդության համաճարակի ժամանակ:

Առաջին անգամ այդ սարսափելի հիվանդության դեմ պաշտպանվելու այս մեթոդը փորձել են Անգլիայում, այնուհետև պատվաստմամբ սկսեցին զբաղվել նաև Եվրոպայի այլ երկրներում: Ռուսաստանում ևս սկեցին միջոցներ ձեռնարկել հիվանդության տարածման դեմ, սակայն հիմնականում ամեն ինչ ավարտվում էր հիվանդների՝ հասարակության մեջ հայտնվելն արգելելով: Այսպիսի միջոցներով խնդիրը լուծելն անհնար էր, առավել ևս, երբ վարակ կրողների դերում ազնվականներն էին լինում:

«Բժշկական խորհուրդը» կոչված էր հոգ տանել քաղաքային դեղատների և բժիշկների մասին, նրանց օգնել ծաղիկի համաճարակի կանխարգելման և կանխման գործում: Ռուսաստանում ծաղկի պատվաստումն առաջին անգամ սկսվել է կայսրուհուց և նրա տղայից, ովքեր իրենց ենթակաների համար այդքան կարևոր օրինակ ծառայեցին:

Եկատերինան, իր վախը հաղթահարելով, վերջապես թույլ տվեց իրեն ծաղիկ պատվաստել, իսկ հետո նաև իր 14-ամյա տղային՝ Պավելին: Այս գործընթացն իրականացնելու համար Ռուսաստան էին հրավիրել անգլիացի բժիշկ բարոն Դիմսդեյլին:

Քանի որ ամեն ինչ բարեհաջող ավարտվեց, շատերը սկսեցին իրականացնել այդ գործընթացը: «Ողջ Պետերբուրգը ցանկանում է իրեն ծաղիկ պատվաստել, իսկ նրանք, ովքեր արդեն դա արել են, առողջ էին»: Այսպես սկիզբ դրվեց Ռուսաստանում Բժշկական խորհրդի՝ այսօրվա Առողջապահության նախարարության զարգացմանը:

Հարցեր, պատասխաններ, մեկնաբանություններ