1873 թ ապրիլի 24-ին ծնվել է շվեյցարացի հոգեբան, ֆունկցիոնալիզմի ներկայացուցիչ Էդուարդ Կլապերեդը

Էդուարդ Կլապերեդը ծնվել է 1873 թ. ապրիլի 24-ին Ժնևում: Բնական գիտություններ և բժշկություն ուսումնասիրելու հետ մեկտեղ նա իրեն նվիրել է հոգեբանությանը, որն ուսումնասիրել է Թեոդոր Ֆլերնոյի՝ իր հարազատ ազգակցի մոտ:

Էդուարդի  և Ֆլերնոյի երկարատև համագործակցության արդյունքում 1915 թվականից նրան փոխարինել է Ժնևի համալսարանի հոգեբանության պրոֆեսորի պաշտոնում և զբաղեցրել այդ պաշտոնը մինչ իր մահը:

Ֆլերնոյի հետ համատեղ նա հիմնել է «Archives de Psychologie» ամսագիրը, զգալի ներդրում է կատարել հոգեբանների միջազգային համագործակցության մեջ` շնորհիվ Միջազգային Հոգեբանական Կոնգրեսի գործունեության:

1912 թ. Կլապերեդը հիմնել է Ժան-Ժակ Ռուսո ինստիտուտը: Ինստիտուտի հիմնադրման մտահղացման նպատակը կրթության ոլորտում նորարար հետազոտությունների և պրակտիկ մշակումների կենտրոնի ստեղծումն էր:

Հոգեբանության ոլորտում նրան առանձնացնում էր հետաքրքրությունների լայնությունը, որը ներառում էր այնպիսի թեմաներ, ինչպիսիք են՝ երազը, ինտելեկտը, խնդիրների լուծումն ու  ձևավորումը: Կլապերեդը մշտապես պնդում էր ֆունկցիոնալ մոտեցման կարևորության վրա: Նրան առանձնացնում էր  դատողությունների անկանխակալությունը, միշտ  փորձում էր մարդու և շրջակա միջավայրի հետ փոխազդեցության մեջ ճկունություն դրսևորել:

Էդուարդ Կլապերեդը մահացել է 1940 թ. հոկտեմբերի 29-ին Ժնևում:

Հարցեր, պատասխաններ, մեկնաբանություններ