Մարդու ձեռքն էվոլյուցիայի է ենթարկվել պայքարի համար. գիտնականներ

Ամերիկացի գիտնականները բացահայտել են, որ մարդկային ձեռքն էվոլյուցիայի է ենթարկվել ոչ միայն տարբեր առարկաներ ստեղծելու և կիրառելու շնորհիվ, այլև այդ գործընթացի վրա ազդեցություն են ունեցել բռունցքների կիրառմամբ ծեծկռտուքները: Այս մասին հայտնում է BBC-ն:

Յուտայի համալսարանի էվոլյուցիոն հարցերով մասնագետները ենթադրում են, որ ագրեսիան ավելի մեծ դեր է խաղացել մարդու զարգացման գործում, քան առաջ կարծում էին, և որ ձեռքը որպես զենք օգտագործելուն դրդել է բնական ընտրությունը:

Մարդու ձեռքի կառուցվածքը հեշտությամբ թույլ է տալիս նրան բռունցք կազմել, ինչը տեղի չի ունենում պրիմատների մոտ, ինչպիսին է օրինակ՝ շիմպանզեն:

Գիտնականներն իրեց տեսությունը ստուգել են մարտարվեստով զբաղվողների հետ հոտազոտություններ կատարելով։

Հարցեր, պատասխաններ, մեկնաբանություններ