«Տարվա մարդ-2014» տիտղոսին արժանացել են Էբոլայի դեմ պայքարի մարտիկները. Time. 1in.am

Ամերիկյան Time ամսագրի վարկածով՝ «Տարվա մարդ-2014» տիտղոսին արժանացել են նրանք, ովքեր հոգ են տանում մահաբեր Էբոլա վիրուսով հիվանդ մարդկանց՝ հայտնում է RIA Novosti-ն:

Այս տարի «Տարվա մարդ» անվանակարգին հավակնում էր նաև Ռուսաստանի նախագահ Վլադիմիր Պուտինը, ով 2007-ին արժանացել էր այդ կոչմանը:

Աբստրակտ կերպարների շարքում, ովքեր, ըստ ամսագրի վարկածի, հավակնել են «Տարվա մարդ» կոչմանը, բացի Էբոլայի դեմ պայքարի մարտիկներից՝ եղել են նաև Ֆերգյուսոնում աֆրո-ամերիկացու սպանության գործով դատարանի որոշման դեմ բողոքի ակցիայի մասնակիցները:

Ավանդաբար «Տարվա մարդուն» ընտրում է ամսագրի գլխավոր խմբագիրը, սակայն վերջին տարիներին զուգահեռ անցկացվում է նաև պարբերականի ընթերցողների հարցում:

Հարցեր, պատասխաններ, մեկնաբանություններ