Հայտնի են դարձել բժշկության ոլորտի Նոբելյան մրցանակակիրները

Շվեդիայի մայրաքաղաք Ստոկհոլմում այսօր մեկնարկել է հռչակավոր Նոբելյան 111-րդ շաբաթը, որի շրջանակներում հայտնի են դարձել առաջին դափնեկիրները, գրում է բրիտանական The Telegraph-ը։

Բժշկության ոլորտում նշանակալից ձեռքբերումների համար հաղթանակի են արժանացել Քեմբրիջի համալսարանի գիտնական, բրիտանացի Ջոն Գարդոնն ու Կիոտոյի համալսարանը ներկայացնող ճապոնացի Շինյա Յամանական։

Հեղինակավոր մրցանակը նրանք ստացել են ցողունային բջիջների ոլորտում կատարած հետազոտության համար։ Նրանք ապացուցել են, որ հասուն բջիջները կարող են վերածրագրավորվել ոչ հասուն բջիջների, որոնցից կարելի է ստնալ ցանկացած տեսակի հյուսվածք։

Երկու գիտնականներին մրցանակ շնորհելու որոշումը կայացրել է Ստոկհոլմի Կարոլինի ինստիտուտի հանձնաժողովը։ Հանձնաժողովի անդամները նշել են, որ «այս բացահայտումը հեղափոխել է իրենց ընկալումը բջիջների և օրգանիզմների զարգացման հարցում»։

Իսկ ինչ վերաբերում է Noble Prize 2012-ի, թերևս, ամենասպասված՝ խաղաղության մրցանակին, ապա դրա դափնեկիրը հայտնի կլինի այս ուրբաթ՝ Օսլոյում։

Հարցեր, պատասխաններ, մեկնաբանություններ