Ծերացումը կարելի է դանդաղեցնել բեռնաթափման օրերի միջոցով. 1in.am

Հարավային Կալիֆոռնիայի համալսարանի գիտնականները պնդում են, որ ծերացումը կարելի է դանդաղեցնել բեռնաթափման օրերի միջոցով:

Եթե մարդն ամսվա մեջ 5 օր կրճատի կալորիաների ընդունումը 34-54 տոկոսով, ապա նրա առողջությունը նկատելիորեն կամրանա, հայտնում են ԶԼՄ-ները:

Բեռնաթափման օրերի շնորհիվ նկատելիորեն կբարելավվեն նաև հիշողությունը և սիրտ-անոթային համակարգի աշխատանքը, ինչպես նաև կնվազի քաղցկեղի և դիաբետի հավանականությունը:

Փորձարկումը կատարել են մկների վրա: Կրծողներին կերակրել են սովորական սննդով՝ առանց կալորիաների սահմանափակման, իսկ 5 օր բեռնաթափման օրեր են նշանակել: Արդյունքում պարզվել է, որ այդ ռեժիմը լավ ազդեցություն է ունեցել նրանց առողջության վրա:

Նշենք, որ ուսումնասիրողները խորհուրդ են տալիս բեռնաթափման օրերին չսահմանափակել կալորիաների ընդունումը իրենց սահմանած չափից ավելին, որովհետև դա օրգանիզմի համար սթրես կլինի, ինչն իր հերթին կարող է վատ անդրադառնալ առողջության վրա:

Հարցեր, պատասխաններ, մեկնաբանություններ