Ինչպե՞ս կանխարգելել մկանների տարիքային կորուստը. med.news.am

Սարկոպենիան մկանների տարիքային կորուստ է՝ խնդիր, որի հետ բախվում են 60-ն ամց մարդիկ:

Բժիշկ Ռոջեր Ֆիլդինգի փոխանցմամբ՝ Բոստոնի Tufts University-ին կից USDA Human Research Center on Aging-ից տարիքի հետ մարդիկ, իսկապես, կորցնում են ոսկրային, ինչպես նաեւ մկանային հոյւսվածքները, ինչը հանգեցնում է թուլության, բալանսի ու շարժունակության խնդիրների:

Ահա մկանային կորուստը կանխարգելելու մի քանի խորհուրդ.

1. Շատ շարժվեք

Բժիշկ Ֆիլդինգի փոխանցմամբ՝ այն մարդիկ, ովքեր տարիքի հետ շարունակում են մարզվել եւ մնում են ֆիզիկապես ակտիվ, կորցնում են ավելի քիչ մկանային հյուսվածք, քան այն մարդիկ, ովքեր նստակյաց կայնք են վարում: Նույնիսկ 30 րոպե տեւողությամբ զբոսանքը՝ շաբաթական 4 անգամ, կարող է շատ օգտակար լինել:

2. Սպիտակուցներ օգտագործեք

University of Texas Medical Branch-ի գիտնականների փոխանցմամբ՝ օրական 25-30 գրամ սպիտակուցները խթանում են պրոտեինների սինթեզը մկաններում եւ կասեցնում դրանց կորուստը: Բացի այդ՝ ամինաթթուները, որոնք պարունակվում են պրոտեիններում, մկանների համար անչափ կարեւոր են:

3. Ստուգեք վիտամին D-ի պարունակությունը

Արյան հետազոտությունը կարող է օգնել՝ պարզելու վիտամին D-ի քանակն օրգանիզմում: Եթե կա D վիտամինի պակաս, ցանկալի է D վիտամին ու կալցիում պարունակող հավելումներ ընդունել, քանի որ դրանք կարեւոր դեր են խաղում պրոտեինների սինթեզում: Իմաստ ունի նաեւ օմեգա-3 ճարպերով հարուստ ձկնեղեն օգտագործել, քանի որ այն եւս օգտակար է մկանների համար:

4. Փորձեք ուժային մարզումներ կատարել

Շաբաթական երկու կամ երեք անգամ ուժային մարզումները դրական են անդրադառնում մկանային զնագվածի ընդհանուր վիճակի վրա: Եթե նույնիսկ արդեն կորցրել եք մկանային համակարգի որոշակի մասը, սկսեք մարզվել, եւ դա կօգնի կասեցնել մկանների հետագա կորուստը:

Հարցեր, պատասխաններ, մեկնաբանություններ