Գիտնականներն ապացուցել են, որ գլոբալ տաքացումը սկսվել է 200 տարի առաջ. 1in.am

Գիտնականները հանգել են այն եզրակացության, որ մարդու գործունեության հետ կապված գլոբալ տաքացումը սկսվել է 200 տարի առաջ` արդյունաբերական հեղափոխությանը զուգընթաց: Այդ մասին հոդվածը հրապարակված է Nature ամսագրում:

Ավստրալիայի ազգային համալսարանի հետազոտողները վերլուծել են տարբեր տվյալներ, հավաքված կորալյան խութերից, սառույցներից և խորը քարանձավներից: Քարածխի մասսայական այրմանը զուգընթաց մոլորակի ջերմաստիճանը սկսվել է դանդաղ աճել, եւ այդ փոփոխություններն արդեն այն ժամանակ կարելի էր գրանցել մոլորակի տարբեր շրջաններում:

Օգտագործելով վիճակագրական վերլուծությունը, հետազոտողները պարզել են, որ ջերմաստիճանի առաջին աճը սկսվել է 1830-ական թվականներին օվկիանոսի մերձարևադարձային ջրերում և Հյուսիսային կիսագնդում:

Հարցեր, պատասխաններ, մեկնաբանություններ