GlaxoSmithKline-ն ու Google-ը կստեղծեն բիոէլեկտրոնիկական իմպլանտների ընկերություն. tert.am

Բրիտանական GlaxoSmithKline ընկերությունը պատրաստվում է համագործակցել Google-ի հետ ու հիմնել բիոէլեկտրոնական դեղերի արտադրությամբ զբաղվող նոր ընկերություն:

Ինչպես նշում է The Verge-ը, այն կոչվելու է Galvani Bioelectronics: Ընկերության գլխամասը գտնվելու է Մեծ Բրիտանիայում: Հայտնի է, որ ընկերության բաժնետոմսերի 55 տոկոսը պատականելու է GSK-ին, իսկ 45 տոկոսը` Google-ի Alphabet դուստր ընկերությանը:

Ենթադրվում է, որ Galvani Bioelectronics-ի ստեղծման համար սկզբնական շրջանում կատարվելու է 712 մլն դոլարի ներդրում: Ընկերությունը մասնավորապես զբաղվելու է էլեկտրոային իմպլանտների արտադրությամբ, որոնք կօգնեն տարատեսակ քրոնիկ հիվանդությունների բուժման հարցում:

Աղբյուրը մանրամասնում է, որ բիոէլեկտրոնիկան համեմատաբար նոր ճյուղ է բժշկության մեջ:

Հարցեր, պատասխաններ, մեկնաբանություններ