ԵՄ-ում հայտնաբերվել են ռեկորդային թվով վտանգավոր սպառողական ապրանքներ. 1in.am

ԵՄ վերահսկիչ մարմինները կազմել են 2435 անուն ապրանքների ցուցակ, որոնք անվտանգ չեն սպառողների համար։ Այս մասին հայտնում է Deutsche Welle-ն։

Եվրահանձնաժողովը հրապարակել է 2014 թվականի արդյունքներով ամփոփ զեկույց, որում ասվում է, որ վտանգավոր ապրանքների նման քանակություն հայտնաբերվում է առաջին անգամ։

Ինչպես նախորդ տարիներին՝ վաճառքից հանված ապրանքների մեծ մասն արտադրվել էր Չինաստանում (64%)։ Ցուցակում առկա են էլեկտրասարքեր, հագուստ, մանկական խաղալիքներ և այլն։ Առողջության համար վտանգավոր ապրանքների թվում ներառված են նույնիսկ ավտոմեքենաներ։

Անորակ ապրանքների ավելի քան 20%-ը կարող է վնաս հասցնել սպառողին։ Նույնքան քանակի ապրանք էլ վտանգավոր է քիմիական այրվածք հասցնելու հավանականությամբ։ Ապրանքների մոտ 12 տոկոսը կարող է հանգեցնել խեղդման կամ հոսանքահարման։ Իսկ որոշ խաղալիքներ կարող են երեխայի մոտ մաշկի գրգռվածություն առաջացնել և պարունակում են ծանր մետաղներ։

Հարցեր, պատասխաններ, մեկնաբանություններ