Մոսկվայում միգրանտների տարեկան բժշկական ապահովագրությունը կարժենա 5 400 ռուբլի. 1in.am

2015 թ. Մոսկվայում բոլոր միգրանտներն աշխատանքի տեղավորվելու համար պարտավոր կլինեն կամավոր բժշկական ապահովագրություն ձեռք բերել, հայտնում է «Իզվեստիա»-ն: Տնտեսական քաղաքականության դեպարտամենտի մամլո ծառայությունում պատմել են, որ այն տարեկան կարժենա 5 400 ռուբլի:

Աղբյուրները Մոսկվայի քաղաքապետարանում «Իզվեստիա»-ին հայտնել են, որ կամավոր բժշկական ապահովագրություն գնելով՝ միգրանտները կկարողանան հաճախել «մասնագետների խորհրդատվական-ախտորոշիչ ընդունելությունների»՝ պոլիկլինիկաներում, ռենտգեն, ուլտրաձայնային հետազոտություններ, էլեկտրասրտագրություն, արյան հետազոտություն անցնել, այցելել վնասվածքաբանի, ատամի սուր ցավի դեպքում բուժվել ատամնաբույժի մոտ, և եթե անհրաժեշտ է՝ հիվանդության դեպքում ազատ օրեր վերցնել:

Այժմ միգրանտները կարող են անվճար շտապ օգնություն կանչել, ստացիոնարներում բուժօգնություն ստանալ:

Հարցեր, պատասխաններ, մեկնաբանություններ