Իտալիայի դատարանը վճռել է ընտանիքից վերցնել փոխնակ մորից ծնված երեխային. 1in.am

Իտալիայի Վճռաբեկ (գերագույն) դատարանը երկուշաբթի վճռել է ընտանեկան զույգից վերցնել 3 տարեկան երեխային, որը ծնվել էր ծագումով Ուկրաինայից փոխնակ մոր կողմից: Դատարանը վճռել է նրան հանձնել որդեգրման՝ այդպիսով վերջ դնելով Ապենինյան թերակղզում փոխնակ մայրության պրակտիկայի կիրառմանը: Այս մասին հայտնում է RIA Novosti-ն:

Սա Գերագույն դատական մարմնի աննախադեպ որոշում է, որը հաստատում է ավելի վաղ Բրեշիա քաղաքի անչափահասների հարցերով առաջին և երկրորդ ատյանների դատարանների որոշումները:

Հաղորդվում է, որ Տոմազո անունով տղան ծնվել է Ուկրաինայում՝ 2011 թվականին, իտալացի զույգի «պատվերով», որը չէր կարող երեխաներ ունենալ: Այն բանից հետո, երբ հայրենիքում ամուսիններին երեք անգամ մերժել են որդեգրման հարցում, նրանք որոշել են օգտվել փոխնակ մոր ծառայություններից: Իտալիան չի ճանաչում փոխնակ մայրությունը:

Հարցեր, պատասխաններ, մեկնաբանություններ