Չինացիներին թույլ կտան ավելի շատ երեխաներ ունենալ. 1in.am

Առաջիկա երկու տարվա ընթացքում բոլոր չինացի զույգերին կթույլատրվի ունենալ երկրորդ երեխան՝ հայտարարել է Չինաստանի կառավարության՝ երկրում ծնելիության վերահսկողության քաղաքականության հարցերով խորհրդականը։

«Մենք մտադիր ենք առաջիկա երկու տարվա ընթացքում ամբողջովին թուլացնել քաղաքականությունը»՝ այն փորձից հետո, որի շրջանակներում որոշ զույգերի թույլատրվում է ունենալ երկրորդ երեխան: Այս մասին հայտարարել է Ցայ Ֆանը՝ Չինաստանի սոցիալական գիտությունների ակադեմիայի տնօրենի տեղակալը։

«Մարդիկ ցանկանում են ընտրել երեխաների թիվը։ Նրանք ցանկանում են և պետք է ունենան ընտրություն, գոնե երկու երեխայի համար»,- նշել է նա։

Անցյալ տարի Չինաստանի նախագահ Սի Ցզինպինը թուլացրեց Չինաստանի ընտանիքի պլանավորման քաղաքականությունը՝ թույլ տալով ունենալ երկու երեխա, եթե ծնողներից մեկը ընտանիքում միակ երեխան է։

Հարցեր, պատասխաններ, մեկնաբանություններ