ԼՂՀ ԱՆ. Քննարկում ՀՕՖ-ի և Ամերիկայի հայ բժիշկների միության կողմից Արցախի բժիշկների համար իրականացվող ծրագրի շուրջ

ԼՂՀ առողջապահության նախարար Հարություն Քուշկյանն հանդիպել է Հայաստանից ժամանած Հայ օգնության ֆոնդի առողջապահական ծրագրերի ղեկավար, Միացյալ հայկական հիմնադրամի բժշկական մոնիտորինգի պատասխանատու Համբարձում Սիմոնյանին և ՀՕՖ-ի բժշկական շրջանավարտների միության խորհրդի անդամ Գևորգ Յաղջյանին: 

Համբարձում Սիմոնյանը նախարարին է ներկայացրել է ՀՕՖ-ի և Ամերիկայի հայ բժիշկների միության կողմից Արցախի բժիշկների համար իրականացվող վերապատրաստման ծրագիրը, որն իրականացվում է արդեն չորս տարի:

Նախարար Քուշկյանի հետ քննարկվել է ծրագրի կառուցվածքային առանձահատկությունները, վերջինիս ընդլայնման հնարավորությունները: Հատկապես կարևորվել է մասնագետների տեսական և գործնական դասընթացների տեղում կազմակերպման հնարավորությունները:

Գևորգ Յաղջյանը ներկայացրել է Արցախում հեռաբժշկության զարգացման հեռանկարները, բժիշկների էլեկտրոնային շտեմարաններից օգտվելու հնարավորությունները, ինչպես նաև արտերկրի մեր հայրենակից բժիշկների կողմից բժշակական առաքելությունների կազմակերպման հնարավորությունները: Մասնավորապես 2014 ամռանը Ամերիկայի հայ բժիշկների միության բժշկական խմբի կողմից կազմակերպվող ներզատաբան-վիրաբույժների այցը և վիրահատությունների իրականացումը ԼՂՀ ում:

Հարություն Քուշկյանը կարևորել է Հայ օգնության ֆոնդի և Միացյալ հայկական հիմնադրամի հետ ԼՂՀ առողջապահության նախարարության համագործակցությունը, նշել, որ համատեղ ծրագրերը էլ ավելի համակարգված կիրականացվեն:

Հարցեր, պատասխաններ, մեկնաբանություններ