Չինաստանը կմեղմի ծնելիության դեմ ուղղված կոշտ քաղաքականությունը

Չինաստանը վերանայում է ընտանիքի պլանավորման (մեկ ընտանիք` մեկ երեխա) քաղաքականությունը՝ թուլացնելով ծնելիության կոշտ սահմանափակումները: Այս մասին հաղորդում է China Daily-ն՝ հղում անելով Համաչինական կոմիտեի Բնակչության, ռեսուրսների և շրջակա միջավայրի հարցերով հանձնաժողովի ղեկավար Չժան Վայցինին:

«Չի բացառվում, որ շուտով քաղաքների բնակիչները երկրորդ երեխան ունենալու լիարժեք իրավունք կունենան»,- նրա խոսքերն է մեջբերում թերթը:

Ծնելիության քաղաքականության ազատականացումը, ենթադրաբար, կանցկացվի համեմատաբար տնտեսապես զարգացած տարածաշրջաններում, որտեղ դիտվում է ներգաղթյալ աշխատողների վիթխարի հոսք:

«Երկրում ծնելիության մակարդակն այնքան ցածր է, որ եթե նույնիսկ թուլացվի ծնելիության սահմանափակման քաղաքականությունը, բնակչության աճի կտրուկ աճ չի լինի»,- նշել է Վեյցինը:

Թերթը գրում է, որ կառավարության կողմից «քաղաքականության մեղմացման» ծրագրերը դժվար թե լուծեն բոլոր ժողովրդագրական խնդիրները, որոնց բախվել է Չինաստանը:

Հարցեր, պատասխաններ, մեկնաբանություններ