ԵՊԲՀ. Հուլիսը` ուլտրամանուշակագույն ճառագայթների անվտանգության վերաբերյալ իրազեկման ամիս

Ամռանը արևի ուլտրամանուշակագույն ճառագայթների անվտանգության վերաբերյալ իրազեկման ամիս է համարվում հուլիսը, որովհետև հենց այս ժամանակ մեզանից շատերը վայելում են տաք օրերը` մեկնում քաղաքից դուրս, բացօթյա սպորտաձևերով զբաղվում, բաց լողավազաններ այցելում, լողափին հանգստանում։

Հանգստանալուն մեկտեղ պետք է հիշել, որ այդ ջերմությունը, որը հաճելի է մեզ` վնաս է մեր մաշկի  և աչքերի համար, որն առաջանում է արևի ուլտրամանուշակագույն ճառագայթների չափից շատ մեծ ազդեցության հետևանքով:

Ուլտրամանուշակագույն ճառագայթներից պաշտպանության և անվտանգության վերաբերյալ միամսյակը տեղի է ունենում ամռանը, երբ մեզանից շատերն ավելի շատ ժամանակ են անցկացնում դրսում՝ տաք եղանակից առավելագույն օգուտ քաղելու համար:

Այնուամենայնիվ, որքան երկար ենք դրսում, այնքան մեծ է արևից վնասվելու ռիսկը, եթե պաշտպանված չենք:

Արևը ճառագայթում է տալիս ուլտրամանուշակագույն ալիքի տեսքով: Օզոնային շերտը պաշտպանում է երկրի ստրատոսֆերան և արգելափակում է առավել վնասակար ուլտրամանուշակագույն ճառագայթումը, բայց որոշ աստիճանի ճառագայթում այնուամենայնիվ հասնում է մեզ: Ուլտրամանուշակագույն ճառագայթումը կարող է գալ նաև արհեստական աղբյուրներից, ինչպիսիք են արևային լամպերը կամ սոլյարիները:

«Հերացի» վերլուծականի փոխանցմամբ` համաշխարհային արևային ուլտրամանուշակագույն ճառագայթման ինդեքսը նկարագրում է արևի ուլտրամանուշակագույն ճառագայթման մակարդակը Երկրի մակերեսին:

Որքան բարձր է ինդեքսի արժեքը, այնքան մեծ է մաշկի և աչքերի վնասման հավանականությունը:

Ուլտրամանուշակագույն ճառագայթումը անտեսանելի է, բայց միշտ առկա է ամբողջ օրվա ընթացքում, նույնիսկ այն ժամանակ, երբ մենք չենք տեսնում կամ զգում արևը: Այս ճառագայթները կարող են վնասակար լինել մեր մաշկի և աչքերի համար: Կնճիռների և արևայրուքների առաջացումից բացի, դրանց ազդեցությունը կապված է մաշկի քաղցկեղի զարգացման հետ: Մեր աչքերը կարող են վնասվել և առաջանան այնպիսի հիվանդություններ, ինչպիսիք են կատարակտան, եղջերաթաղանթի վնասումը և նույնիսկ տեսողության կորուստը, եթե երկարա ժամանակ մնան առանց արևից պաշտպանության:

Արևն առավելագույն կիզակետում է առավոտյան ժամը տասից մինչև ցերեկվա ժամը չորսը։

Այդ ժամանակահատվածում լավագույնն է լինել ծածկույթի տակ կամ ստվերում: Եթե աշխատանքի համար ավելի երկար է անհրաժեշտ լինել դրսում կամ երեխաները ուզում են խաղալ, ապա առնվազն 30 և բարձր պաշտպանությամբ արևապաշտպան միջոցները, լայնեզր գլխարկները, արևային ակնոցները և ձեզ ծածկող շնչող կտորից հագուստը կարող են առավելագույն պաշտպանություն ապահովել:

Ուլտրամանուշակագույն ճառագայթները կարող են թափանցել ամպերի միջով:

Դրանք արտացոլվում են նաև այնպիսի մակերեսներից, ինչպիսիք են ավազը, ձյունը, ցեմենտը և ջուրը:

Ահա թե ինչու արևից պաշտպանությունը կարևոր է ցանկացած եղանակի ամբողջ տարվա ընթացքում:

Հարցեր, պատասխաններ, մեկնաբանություններ