ԱՄՆ-ում բժշկական հետազոտությունների համար 6 մլրդ դոլար են հատկացրել. news.am

ԱՄՆ Սենատը Ներկայացուցիչների պալատից հետո աջակցել եւ ստորագրելու համար նախագահ Բարաք Օբամային է ուղարկել օրինագիծ, որով 6,3 մլրդ դոլարի ֆինանսավորում է նախատեսվում առաջիկա տասնամյակի ընթացքում առողջապահության ոլորտում իրականացվող հետազոտությունների համար:

Օրինագծով ծավալուն հետազոտություններ են ծրագրվում՝ ուղղված ուռուցքային հիվանդությունների եւ թմրամոլության բուժման նոր ուղիների որոնմանը: Մասնավորապես, ուռուցքաբանության ասպարեզում հետազոտությունների համար հատկացվել է 1.8 մլրդ դոլար: Օրինագիծն առաջարկել է փոխնախագահ եւ, ի պաշտոնե, Սենատի նախագահ Ջո Բայդենը, ում որդին՝ Բոնը, մեկ տարի առաջ մահացել է քաղցկեղից, հայտնում է «ՌԻԱ Նովոստի»-ն:

Օրենքի ընդունումը կդառնա 114-րդ գումարման Կոնգրեսի վերջին գործողություններից մեկը:

Հարցեր, պատասխաններ, մեկնաբանություններ