ԱՀԿ. Պատվաստումների բացակայությունից տարեկան 1.5 մլն երեխա է մահանում. 1in.am

Աշխարհում տարեկան մոտ 1.5 մլն երեխա է մահանում կանխարգելվող վարակիչ հիվանդություններից այն պատճառով, որ պատվաստում չեն ստանում։ Այս մասին հայտնել է Առողջապահության համաշխարհային կազմակերպությունը։

«Մարդիկ, ովքեր ժամանակին իրենց և իրենց երեխաներին չեն պատվաստում կամ հրաժարվում են դրանից, դժվարություններ են ստեղծում երկրների համար, որոնք փորձում են կրճատել իմունացման ոլորտի ճեղքը»,- նշում են վերլուծաբանները։ Այս մասին փոխանցում է TASS գործակալությունը։

Համաշխարհային մասշտաբով յուրաքանչյուր 5-րդ երեխա չի ստանում կենսական անհրաժեշտ պատվաստումներ, և 1.5 մլն երեխա յուրաքանչյուր տարի մահանում է հիվանդություններից, որոնց դեմ արդեն պատվաստանյութեր կան։

Հարցեր, պատասխաններ, մեկնաբանություններ