Էբոլա վիրուսի դեմ պատվաստանյութը 100 տոկոսանոց արդյունավետություն է ցույց տվել. ԱՀԿ. artsakhpress.am

Էբոլա վիրուսի դեմ պատվաստանյութի կլինիկական փորձարկումների նախնական արդյունքները Գվինեայում պատվաստանյութի բարձր արդյունավետություն են ցույց տվել:

BBC-ի փոխանցմամբ` այս մասին տեղեկացնում է Առողջապահության համաշխարհային կազմակերպությունը:

«Աշխարհը կանգնած է մահացու հիվանդության դեմ արդյունավետ պատվաստանյութի բացահայտման շեմին», - ասվում է ԱՀԿ հայտարարության մեջ:

Պատվաստանյութն առանձին մարդկանց վիրուսից պաշտպանել է 100 տոկոսով, սակայն հավելյալ տվյալներ են պետք դրա արդյունավետությունը գնահատելու համար հավաքական իմունիտետի (ամբողջ բնակչության պաշտպանությունը վիրուսից) պարագայում:

Փորձարկումներին հազարավոր մարդիկ  են մասնակցել, որոնց հարազատները վարակված են եղել Էբոլայով: Վիրուսակիր մարդկանց հետ շփումից 10 օր անց նրանցից ոչ-ոք չի վարակվել:

Ավելի քան 11000 մարդ է մահացել Էբոլայից` Գվինեայում 2014-ի դեկտեմբերին հիվանդության բռնկման պահից ի վեր:

Հարցեր, պատասխաններ, մեկնաբանություններ