ՀՀ ԱՆ. Քննարկվեցին Միջազգային բժշկական համագումարի կազմակերպական հարցերը

ՀՀ առողջապահության նախարարությունում անցկացվեց հուլիսի 2-ից 4-ը մայրաքաղաքում կայանալիք Հայաստանի 4-րդ Միջազգային բժշկական համագումարի կազմկոմիտեի նիստ:

Հայաստանի 4-րդ Միջազգային բժշկական համագումարի նախագահ Արա Բաբլոյանը և կազմկոմիտեի անդամները ՀՀ առողջապահության նախարար Արմեն Մուրադյանին ներկայացրեցին նախապատրաստական ընթացիկ աշխատանքները:

Համագումարի ծրագրի շրջանակում նախատեսվում է միջազգային ճանաչում ունեցող փորձագետների և առողջապահության ոլորտի մասնագետների, ինչպես նաև աշխարհասփյուռ հայ բժիշկների և բուժքույրերի մասնակցությունը:

Այս համագումարի ընթացքում անդրադարձ կկատարվի ընդհանուր բժշկությանը, դեղաբանությանը, բուժքույրական գործին, նյարդաբանությանը, ստոմատոլոգիային, սրտաբանությանը, գենետիկային, ինչպես նաև այլ ոլորտներին վերաբերող բազում թեմաների: Մասնագետների ուշադրության կենտրոնում կլինեն նաև հանրային առողջությանը վերաբերող մի շարք հարցեր:

Սաթելիտային սիմպոզիումներ կկազմակերպվեն հուլիսի 1-ին` միջազգային և մարզային համագործակցության կամրջելու, ինչպես նաև ոլորտային նորագույն մոտեցումները փոխանցելու նպատակով:

Համագումարի երրորդ օրը ամբողջությամբ կնվիրվի Հայաստան-Սփյուռք ծրագրերին: Կանախատեսվում է, որ լայնամսաշտաբ այս միջոցառմանը Հայաստան կժամանի ավելի քան 250 բուժաշխատող:

Գործում է նաև համագումարի պաշտոնական կայքը` www.4imca.am:

Հարցեր, պատասխաններ, մեկնաբանություններ