ԱՀԿ-ն Էբոլայի վերաբերյալ ճշգրտված տվյալների հրապարակմամբ է հանդես եկել. news.am

Առողջապահության համաշխարհային կազմակերպությունը ճշգրտումներ է կատարել Էբոլա հեմոռագիկ տենդից առավել տուժած երեք երկրներում մահացածների թվի վերաբերյալ՝ ընդհանուր ցուցանիշը հասցնելով 5 987-ի:

Նախորդ շաբաթ հրապարակված տվյալների համաձայն, Գվինեայում, Լիբերիայում եւ Սիերա-Լեոնեում մահացու վտանգավոր վիրուսի զոհերի ընդհանուր թիվը 6.928 էր կազմում:

ԱՀԿ-ից ստացված պարզաբանումների համաձայն, սխալը Լիբերիայում գրանցված մահվան դեպքերի թվին է վերաբերել. ցուցանիշն իրականում ավելի քան հազարով քիչ պետք է լիներ, հաղորդում է Reuters գործակալությունը:

Միեւնույն ժամանակ, հրապարակմամբ վիրուսով վարակման դեպքերի թվի 16.169-ից մինչեւ 16.899 ավելացման մասին է նշվում:

Հարցեր, պատասխաններ, մեկնաբանություններ