Ռալֆ Լորենը մի քանի միլիոն դոլար է նվիրաբերել քաղցկեղի դեմ պայքարի համար. tert.am

Ամերիկացի դիզայներ Ռալֆ Լորենը մի քանի միլիոն դոլար է նվիրաբերել Royal Marsden Hospital-ին՝ ամբողջ Եվրոպայում քաղցկեղի դեմ պայքարի հարցով գլխավոր կենտրոնին։

Այդ գումարով Լոնդոնի Չելսի թաղամասում կբացեն կրծքի քաղցկեղի ուսումնասիրությամբ զբաղվող բաժին՝ Ralph Lauren Centre for Breast Cancer Research, հայտնում է buro247.ru-ն։

«Անգլիան շատ կարևոր է ինձ համար, ես այստեղ շատ տարիներ եմ անցկացրել։ Այդ վայրը ես սիրում եմ, այնպես որ դա լիովին պատասխանատու քայլ է։ Եվ Royal Marsden-ը շատ կարևոր է»,- ասել է Լորենը։

Հայտնի դիզայները վաղուց է մասնակցում նման ակցիաներին, սակայն առաջին անգամ է դա անում ԱՄՆ-ի սահմաններից դուրս։ 1990-ին նա օգնել է կրծքի քաղցկեղի ուսումնասիրության կենտրոն գործարկել Georgetown University Medical Center-ում։

Անձամբ Լորենը երբեք քաղցկեղ չի ունեցել, թեև մի քանի տարի առաջ նրա մոտ ուղեղի ուռուցք է հայտնաբերվել, բարեբախտաբար՝ բարորակ։ «Իմ բախտը բերեց։ Սակայն անցնել դրա միջով շատ դժվար է։ Եվ ես գիտեմ, թե ինչպես են իրենց զգում հիվանդները»,- պատմել է դիզայները։

Հարցեր, պատասխաններ, մեկնաբանություններ