Facebook-ը հույս ունի ընդլայնել օրգանների նվիրաբերման իրազեկումը

ԱՄՆ-ի և Մեծ Բրիտանիայի օրգաններ տրամադրող դոնոր կազմակերպություններն ու անհատները Facebook սոցիալական կայքի միջոցով այսուհետ կարող են հրապարակայնորեն տարածել իրենց մասին ցանկացած տեղեկություն, ինչը կնպաստի օրգանների փոխպատվաստման կարիք ունեցող մարդկանց գտնել իրենց անհրաժեշտ օրգանները, տեղեկացնում է sfgate.com կայքը:

Երեկ Facebook-ն իր Timeline profiles-ում ներկայացրել է organ donor ստատուսը, որը նշված երկրների օգտատերերը  տարածելու հնարավորություն կունենա:

Այս ծրագրի գլխավոր առանձնահատկությունն այն է, որ հասարակության ցանկացած անդամ ցանկության դեպքում կկարողանա գրանցվել ու նվիրաբերել իր երիկամը, սիրտը և այլ օրգաններ:

«Մենք հույս ունենք, որ այս պարզ ծրագրի շնորհիվ մարդիկ կկարողանան իսկապես օգնել միմյանց»,- ասել է ընկերության գլխավոր գործադիր տնօրեն Մարկ Ցուկերբերգը:

Նշվում է, որ ԱՄՆ-ում 113.953 հազ մարդ օրգանի փոխպատվաստման կարիք ունի. օրական նրանցից 18-ը մահանում է:

Հարցեր, պատասխաններ, մեկնաբանություններ