Աստվածային մարմին. 9 փաստ «հրեշտակների» դիետայի մասին. 1in.am

Որպեսզի հետևեք նիհարելու այդ հայտնի մեթոդի պահանջներին, ձեզ անհրաժեշտ կլինի իսկապես հրեշտակային համբերություն՝ գրում է Elle-ը:

Պատմություն

Գոյություն ունի մի քանի տարբերակ, թե ինչու է նիհարելու այդ մեթոդը ստացել «աստվածային» անվանումը: Հայտնի տեսություններից մեկն այն է, որ այդ համակարգով են սնվում Victoria's Secret-ի մոդելները հայտնի դեֆիլեներից առաջ:

Հիմք

Հանգիստ շունչ քաշեք, ձանձրալի հաշվարկ ու կալորիաների վերահսկողություն այս դիետան չունի: Մարմնի զանգվածը նվազում է սպիտակուցի գերիշխման ու կերակրաբաժնի խիստ վերահսկողության հաշվին:

Արդյունք

Վիճակագրության համաձայն՝ այս դիետային հետևող կանայք 13 օրում կորցրել են 4-8 կգ քաշ: Դիետոլոգները նախազգուշացնում են՝ նման խիստ դիետա պետք է պահել տարեկան 1 անգամից ոչ ավելի,այն էլ բժշկի հսկողությամբ:

Հեղուկի պարունակություն

Մասնագետները խորհուրդ են տալիս օրգանիզմը չզրկել հանքային կամ սենյակային ջերմաստիճանի սեղանի ջրից: Հարկավոր է միայն հիշել՝ ջուր մի խմեք ուտելու ժամանակ ու անմիջապես դրանից հետո, այլ 1 ժամ սպասեք:

Արգելք

«Հրեշտակների» դիետայի չարիքը մասնագետները համարում են շաքարավազը, որն արգելվում է օգտագործել դիետայի ընթացքում: Սննդի պատրաստման ժամանակ խորհուրդ է տրվում սահմանափակել աղն ու ձիթապտղի յուղը:

Ի հավելումն

Դիետան հարկավոր է զուգակցել ֆիզիկական ծանրաբեռնվածության հետ՝ աերոբիկա ու շաբաթը երկու անգամ ուժային ծանրաբեռնվածություն:

Կերակրացանկ

Ապագա հրեշտակների համար սնման կարգը մանրամասն նկարագրված է: Այն կարելի է կրկնել 6 օր անց, եթե քաշի արդյունքը նախկինի պես ձեզ չի գոհացնում:

Օր 1

Նախաճաշ՝ 1 բաժակ սուրճ/կանաչ թեյ

Կեսօրին՝ 1 խնձոր (կամ այլ միրգ)

Ճաշ՝ 2 ձու, 1 մեծ թարմ պոմիդոր,հազար(մառոլ), 2 միջին չափի կեղևով  խաշած կարտոֆիլ

Ընթրիք՝ սթեյք, հազար

Օր 2

Նախաճաշ՝ 1 բաժակ սուրճ/կանաչ թեյ, տոստ

Կեսօրին՝ 1 խնձոր (կամ այլ միրգ)

Ընթրիք՝ որևէ ապուր

Օր 3

Նախաճաշ՝ 1 բաժակ սուրճ առանց հավելումների/կանաչ թեյ, տոստ

Կեսօրին՝ 1 բաժակ բնական յոգուրտ

Ճաշ՝ 2 ձու, 2 շերտ ապխտած միս

Ընթրիք՝ մեծ սթեյք, հազարով աղցան, 1 բաժակ թարմ հյութ

Օր 4

Նախաճաշ՝ 1 բաժակ սուրճ առանց հավելումների/կանաչ թեյ, տոստ

Կեսօրին՝ ընկույզ

Ճաշ՝ սթեյք,հազարով աղցան, 1 բաժակ կանաչ թեյ

Ընթրիք՝ 2 ձու, 2 շերտ ապխտած ոչ յուղոտ միս

Օր 5

Նախաճաշ՝ թարմ քերած գազար կիտրոնի հյութով

Կեսօրին՝ 1 բանան

Ճաշ՝ գրիլ արած ձուկ, 1 մեծ թարմ պոմիդոր, 1 բաժակ սուրճ

Ընթրիք՝ սթեյք, հազարով աղցան, 1 բաժակ թարմ հյութ

Օր 6

Նախաճաշ՝ 1 բաժակ սուրճ առանց հավելումների/կանաչ թեյ

Կեսօրին՝ յոգուրտ, 1 բանան

Ճաշ՝ հավի կրծքամիս, աղցան, 1 բաժակ սուրճ

Ընթրիք՝ սթեյք, կանաչ աղցան

Օր 7-րդ

Նախաճաշ՝ 1 բաժակ սուրճ առանց հավելումների/կանաչ թեյ

Կեսօրին՝ 1 բանան

Ճաշ՝ սթեյք, կանաչ աղցան

Ընթրիք՝ աղցան, մի քանի շերտ պինդ պանիր

Հարցեր, պատասխաններ, մեկնաբանություններ