Հայերը դժգոհում են սեփական քթի մեծությունից. պլաստիկ վիրաբույժ Գևորգ Ստեփանյան (տեսանյութ)

Պլաստիկ վիրաբույժ Գևորգ Ստեփանյանը պնդում է, որ առայժմ բոլոր պլաստիկ վիրահատություններից թերևս ամենապահանջվածը ռինոպլաստիկան է՝ (քթի պլաստիկ վիրահատությունը):

Ըստ պլաստիկ վիրաբույժի՝ քթի վիրահատությունն ազգային խնդիր է: Հայերը դժգոհում են սեփական քթի մեծությունից, շատերին չեն գոհացնում քթանցքերը (դրանք երբեմն հավասարաչափ չեն լինում), ոմանք էլ դիմում են պլաստիկ վիրաբույժի, երբ կա միջնապատի ծռություն: Հիմնականում այցելուները կանայք են: Տղամարդիկ մասնագետի դիմում են ծայրահեղ դեպքերում, երբ շնչելն անհնար է դառնում:

Գ. Ստեփանյանի խոսքով, պացիենտների մեծամասնությունը վախենում է տամպոններից, որոնք,  իրենց պատկերացմամբ, տեղադրվում են քթի մեջ չափազամց մեծ քանակությամբ: «Սակայն այսօր տամպոնների փոխարեն  օգտագործվում են հեմոստատիկ սպունգներ, որոնք, ի դեպ, հեռացնելիս անցավ են»,- ընդգծում է Գ. Ստեփանյանը: 

Հարցեր, պատասխաններ, մեկնաբանություններ