Քո առողջությունը. չեմ կարողանում մետաղական զարդեր կրել

ՀԱՐՑ: Ես տարբեր մետաղներից ականջօղ կրելու հետ կապված խնդիրներ երբեք չեմ ունեցել: Իսկ վերջերս ականջաբլթակներս սկսել են ցավել, կարմրել, նույնիսկ բորբոքվում են ու թարախակալում ցանկացած`անգամ ոսկյա և արծաթյա ականջօղերից հետո: Չի փրկում նույնիսկ բլթակները սպիրտով շփելը: Ի՞նչ է պատահել ականջներիս հետ և ինչպե՞ս լուծել այս հարցը:

ՊԱՏԱՍԽԱՆ: Թերևս անցքի մեջ փոքրիկ վերք է գոյացել և վարակ է անցել: Կարող ես փորձել ինքնուրույն բուժել ականջդ: Վերցրու հաստ բամբակե թել, անցկացրու ասեղի մեջ: Նախապես ձեռքերդ ու ասեղն անպայման մշակիր սպիրտով, իսկ ականջներիդ բլթակները` միրամիստին հակաբորբոքային միջոցով: Թելին քսիր «Левомиколь» քսուքը և ասեղի միջոցով զգուշորեն անցկացրու անցքով: Այնուհետև ասեղը հանիր, իսկ թելը թող բլթակիդ մեջ 5-7 օր:

Օրական մեկ անգամ, ձեռքերդ նախապես սպիրտով շփելուց հետ, թելի վրա մի փոքր քսուք ավելացրու` առանց ականջիցդ հանելու, և պտտիր այն: Մեկ շաբաթվա ընթացքում բորբոքումը պետք է անցնի: Սակայն եթե առաջին 2-3 օրվա ընթացքում դրական շարժ չնկատվի, դիմիր մաշկաբանի կամ վիրաբույժի:

Հարցեր, պատասխաններ, մեկնաբանություններ