Հինգ հասարակ և արդյունավետ միջոց յոգայով զբաղվելու համար. 1in.am

Հինգ հասարակ և արդյունավետ միջոց՝ յոգայով զբաղվելու համար: Հատակցրեք ձեզ օրական 15 րոպե, գրում է adme.ru-ն:

Ասում են՝ յոգայով զբաղվելը հրաշքներ է գործում տրամադրության ու ֆիզիկական վիճակի հետ: Մեծ զբաղվածությամբ օրվա ընթացքում դժվար է ժամանակ հատկացնել՝ մեր կառուցվածքով զբաղվելու և առողջության համար, սակայն, բարեբախտաբար, յոգա ակումբում ժամեր անցկացնելը բնավ պարտադիր չէ:

Ներկայացնենք 5 արդյունավետ ու հասարակ ասանաներ, որոնք պահանջում են օրական 15 րոպե:

Դելֆինի դիրք

Կանգնեք գորգի վրա՝ ձեռքի արմունկները ծալած, ոտքերը հետ դրած: Ձեռքերը միասին պահեք, ազդրերը բարձրացրեք և ուղղեք հետ:

Թուլացրեք գլուխը և հեռացրեք ականջները ուսերից: Կուրծքը ձգեք ազդրերի կողմը: Կատարեք 10 խորը շունչ:

Զինվոր II

Ոտքերը ուսերից լայն դրեք: Աջ ոտնաթաթը դուրս ուղղեք, ձախը՝ ներս, 45 աստիճանով: Աջ ծունկը ձգեք այնքան, որ ազդրը գրեթե զուգահեռ լինի հատակին: Ձախ ոտքը պետք է ուղիղ լինի:

Ձեռքերն առաջ ուղղեք՝ ուսերի բարձրությամբ, և նայեք աջ ձեքի մատներին: 10 խորը շունչ քաշեք երկու կողմից էլ:

Եռանկյունի

 Ոտքերը լայն դրեք ուսերից: Աջ ոտնաթաթը դուրս դրեք, ձախը՝ 45 աստիճանով ներս: Ոտքերը չծալելով՝ թեքվեք այնքան ներքև, որքան կարող եք:

Աջ ձեռքը դրեք ծնկի տակ և ձախը ուղիղ պահեք: Աջ ազդրը առաջ դրեք, ձախը՝ հետ: 10 խորը շունչ քաշեք:

Զինվոր III

Առաջ քայլ դրեք, աջ ոտքով առաջ հրվեք այնպես, որ իրանը լինի հատակին զուգահեռ:

Միաժամանակ բարձրացրեք ձախ ոտքը՝ ազդրի հատվածին հավասար, ուղիղ գիծ կազմելով մինչև ոտքի մատները: 10 խորը շունչ քաշեք:

Աղավնու դիրք

Ընդունեք «Շունը մռութով ներքև» դիրք, ինչպես ցուցադրված է նկարում:

Աշխատեք աջ ծունկը պահել գորգին զուգահեռ: Թեքվեք դրա վրա՝ ափերով հենվելով գորգին:

10 խորը շունչ քաշեք ամեն կողմում:

Հարցեր, պատասխաններ, մեկնաբանություններ