Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Մարմնամարզություն և սպորտ

Որ հիվանդությունների դեպքում է լողավազանն օգտակար. ankakh.com

Որ հիվանդությունների դեպքում է լողավազանն օգտակար. ankakh.com

Լողն ամենալավ ֆիզիկական ծանրաբեռնվածությունն է տարբեր հիվանդությունների դեպքում: Ջրում մարզումները բացառում են գերլարվածությունն ու մկանների լարումը: Ուստի լողավազանն օգնում է մարդկանց հոգեֆիզիկական վիճակն ամրապնդելուն: Բացի այդ, լողը բարձրացնում է տրամադրությունն ու հանգստացնում նյարդային համակարգը:


Սիրտը` սրտամկանի առողջությունը, շատ բանով կախված է նրանից, թե որքան է այն մարզվում ու հագենում թթվածնով: Ու գերբեռնվածությունից խուսափելու համար պետք է սիրտը տոնուսի մեջ պահել: Դա ոչ միայն ամրապնդում է սիրտը, այլև նվազեցնում ինֆարկտի վտանգը: Լողը բարելավում է դեպի սիրտ արյան հոսքն ու ելքը, ինչը խիստ թեթևացնում է նրա աշխատանքը: Նույնիսկ սրտի վիրահատությունից հետո է խորհուրդ տրվում լողով զբաղվել, որպես վերականգնողական միջոց: Սրտաբանները կարծում են, որ լողը սրտամկանի համար չափավոր բեռնվածություն է ապահովում: Կանոնավոր լողով զբաղվելու դեպքում շնչառական համակարգի աշխատանքը նույնպես կբարելավվի: Ջրում ճիշտ շնչառության դեպքում թթվածինը հասնում է թոքերի բոլոր հատվածները: Դրա շնորհիվ թոքերում կանխվում են ամեն տեսակի կանգերը: Շնչառական համակարգը լողի ժամանակ առավելագույնս է գործադրվում, ու կրկնապատկվում է կենսատարողությունը, ընդ որում, վերականգնվում են շնչառական խաթարված ֆունկցիաները: Լողի ժամանակ հիպերօդափոխություն է կատարվում թոքերում, մկանունքը դառնում է առավել առաձգական, իսկ տարբեր կպումները ներծծվում են: Բացի այդ, թոքերի շարժունակությունը կանխում է թոքերի պատերին մանրէների նստեցումը:


Նյարդային համակարգ


Ջրում պարապմունքներն օգնում են հաղթահարելու դեպրեսիան: Բարելավվում է նյարդային համակարգի աշխատանքը: Հանդարտեցնում ու բարերար էմոցիոնալ ֆոն է ստեղծում, հավասարակշռում է գրգռման ու արգելակման պրոցեսները, ինչը նշանակում է, որ նյարդային ու գրգռված մարդուն լողը հանգստացնում է, իսկ թույլին աշխուժացնում: Լողով պարապմունքն ապահովում է գլխուղեղի արյան լավ շրջանառություն, օգնում է պայքարելու անքնության , մրսածության հիվանդությունների դեմ: Սովորաբար այդ հիվանդությունների առկայության պարագայում մասնագետներն առաջարկում են կոփվել, ինչը ենթադրում է օրգանիզմը սովորեցնել հարմարվելու տարբեր ջերմաստիճանային պայմաններին: Այդ խնդիրը լուծելուն հրաշալի կօգնեն լողավազանային մարզումները: Հանվելիս, ցնցուղի տակ լվացվելիս, ջուրը մտնելիս ու դուրս գալիս և կրկին ցնցուղի տակ մտնելիս օրգանիզմը ենթարկվում է տարբեր ջերմաստիճանային պայմանների:


Հենաշարժողական ապարատ


Հենաշարժողական ապարատի խնդիր ունեցող մարդիկ նույնպես կարող են ջրային պրոցեդուրաներով թեթևացնել և բուժել վիճակը: Բայց պետք է հիշել, որ ծանր դեպքերում լողը հակացուցված է: Երբեմն լողավազանն օգնում է նույնիսկ այն մարդկանց, որոնք ինքնուրույն չեն կարողանում քայլել, սակայն ջուրը մտնելով` այնպես են լողում, որ թվում է, թե ջրից դուրս մեկ ուրիշն էր: Ջուրը փաստացի թուլացնում է բոլոր մկանները, ազատում ցավից, մոռացնել տալիս տանջանքն ու ցավը:


Ու եթե մյուս ֆիզիկական շարժումներն ու ծանրաբեռնվածությունը ցավ են պատճառում ու կարող են վնասել, ապա լողը հակառակը` զգուշությամբ ու մեղմորեն ձգում է մկաններն ու բացում կարծրացած հոդերը:


Սակայն, լողավազան հաճախելուց առաջ հարկ է մասնագետի հետ խորհրդակցել:


Լողավազան հաճախելու ճիշտ ձևը


Ինչպե՞ս կարելի է ձիգ ու աշխույժ լինել: Ինչպե՞ս կարելի է հաճույք ստանալ կոփվելուց: Պպատասխանը շատ պարզ է` լողավազան հաճախելով: Լողավազան հաճախող մարդիկ հազվադեպ են հիվանդանում մրսելու հետևանքով առաջացող հիվանդություններով:
Անկասկած, լողավազանային մարզումներն ամրապնդում են իմունիտետը:


Իսկ քլորը վտանգավոր չէ՞


Լողավազանի ջուրն ընդունված է վարակազերծել քլորացմամբ, օզոնացմամբ ու ֆտորացմամբ, երբեմն կիրառվում են ուլտրաձայնային և ուլտրամանուշակագույն մշակման եղանակները` պղնձի ու արծաթի իոնների կիրառմամբ: Զանազան քիմիական խառնուրդներ կան, որոնք ախտահանող ազդեցություն են ունենում, սակայն դրանք չափազանց թանկ են, ուստի ստացվում է, որ քլորացումից բացի, մյուս բոլոր միջոցներն այնքան էլ հարմար չեն: Քլորը, ջրի մեջ հայտնվելով, թթուներ է գոյացնում, որոնք բարերար չեն ազդում մաշկի ու լորձաթաղանթի վրա: Բոլոր նյութերը, որոնք գոյանում են ջուրը մշակելու ընթացքում, գրգռում են մաշկն ընդհանուր առմամբ, ու կարող են ալերգեն լինել:
Եվ այնուամենայնիվ քլորը մինչ օրս ամենատարածված ախտահանող միջոցն է: Ուրեմն ինչպե՞ս կարելի է պաշտպանվել քլորացված ջրի ազդեցությունից:


Լողից առաջ կանանց խորհուրդ է տրվում կոսմետիկ միջոցները լվանալ, հեռացնել: Քանի որ քլորն ու դրա արտադրյալներն ինքնին ալերգածին են, իսկ դիմահարդարման միջոցների հետ այդ հատկություններն էլ ավելի կուժգնանան: Կարելի է լողավազան մտնելուց առաջ հատուկ պաշտպանական քսուքներ կիրառել, որոնք թաղանթի նման կպաշտպանեն վնասակար նյութերի ազդեցությունից:
Հատուկ ակնոցը սուզալողի ժամանակ պաշտպանում է աչքերը քլորի ազդեցությունից: Քլորացված ջուրն ալերգիկ կոնյուկտիվիտի` աչքի արտաքին թափանցիկ լորձաթաղանթի բորբոքման պատճառ կարող է դառնալ, որն ուղեկցվում է բնորոշ քորով, այրոցքի զգացումով, արցունքոտությամբ, կոպերի այտուցով ու այլ տհաճ զգացումներով: Ու, բնականաբար, նման դեպքերում աշխատունակությունը խիստ նվազում է: Ալերգիկ կոնյուկտիվիտի բուժման անհրաժեշտ պայման է ալերգածին նյութի լրիվ բացառումը: Այս դեպքում ` լողավազան հաճախելը դադարեցնելը:


Լողավազան հաճախելու դեպքում ցանկալի է հատուկ լողագլխարկ դնել: Ի դեպ, պրոֆեսիոնալ լողորդները բացառապես սիլիկոնե գլխարկ են դնում: Որակյալ աքսեսուարները էժան չեն, սակայն այնքան կիպ են նստում, որ բացառում են ջրի շփումը մազերի հետ: Ամեն դեպքում, խորհուրդ է տրվում մազերի խնամքի պարագաներ կիրառել, դրանց կառուցվածքը վերականգնելու համար:


Խորհուրդ է տրվում մինչև լողավազան մտնելն ու դուրս գալուց հետո ինտիմ կոսմետիկա գելեր ու ցողաշիթեր կիրառել` անհրաժեշտ հակասեպտիկ պաշտպանություն ու լորձաթաղանթների խոնավություն ապահովելու նպատակով: Անմիջապես լողավազանում սեռավարակներով վարակվելը գործնականում բացառվում է անձնական հիգիենայի կանոնները պահպանելու դեպքում: Ավելին, քլորացված ջրում ոչնչանում են բոլոր մանրէները: Մասնագետներն ասում են, որ վարակման համար լորձաթաղանթի տրորման «էֆեկտ» պետք է լինի, ընդ որում ախտածին մանրէի խտությունը պետք է մեծ լինի, ինչը նույնպես քլորացված ջրում գրեթե բացառվում է:
Ինտիմ առողջություն. սա հաճախ բարձրացվող թեմա է բժշկական գրականության մեջ:


Սովորական պայմաններում (առողջ օրգանիզմում) նորմալ միկրոֆլորա է տիրում, մանրէների մի խումբ կա, որի գործունեությունն ապահովում է ինտիմ առողջությունը: Նորմալ միկրոֆլորա ասվածը 90% լակտոբակտերիաների,10%-ից մի փոքր քիչ բիֆիդոբակտերիաների ու ստաֆիլակոկերի, գարդներելների, կանդիդա սնկերի, ստրեպտոկոկերի, միկոպլազմայի ու ուրեապլազմայի ամբողջություն է: Իմունային համակարգը վարակի հարուցիչների դեպքում ագրեսիվ է գործում` կենսաբանորեն ակտիվ տարբեր նյութեր արտադրելով, որոնք հավասարակշռություն են պաշտպանում: Այդ հավասարակշռության խախտումը կարող է պայմանավորված լինել տարբեր պատճառներով: Օրինակ` օրգանիզմի սառեցումը, հղիությամբ ու ծննդաբերությամբ պայմանավորված հորմոնալ ֆոնը, տարիքային փոփոխությունները, սթրեսային իրավիճակները, սխալ ինտիմ խնամքը, վարակի հարուցիչները, դեղորայքային երկարատև բուժումը, միկրոֆլորայի հավասարակշռության խախտումը, որոնք հետևանք են նաև հակաբիոտիկների ու հակամանրէ դեղորայքի կիրառման: Մինչև վերջերս էլ բժիշկները խորհուրդ էին տալիս ինտիմ պաշտպանության համար լողավազան հաճախելիս մանրէասպան նյութերով տոգորված միջադիրներ կիրառել, սակայն այդ միջոցներն ինքնին արդեն հեշտոցի հավասարակշռության խախտման են հանգեցնում, այնպես որ նման պաշտանությունը հազվադեպ է առաջարկվում:


Ընդ որում, միջադիրները կարող են սխալ կիրառման պարագայում նպաստել ախտածին մանրէների բազմացմանը: Եվ, վերջապես, կանանց խորհուրդ չի տրվում դաշտանային ցիկլի ժամանակ լողավազան գնալ, քանի որ իմունիտետը հատկապես այդ ժամանակ թուլացած է, ու տարրական բորբոքում ստանալու հավանականությունը` շատ մեծ: Լողավազանից հետո հատուկ դեմքի ու մարմնի խնամքի պարագաների անհրաժեշտություն է առաջանում, որոնք կվերականգնեն մաշկի վերին հիդրոլիպիդային պաշտպանիչ շերտը: Այն ապահովում է մաշկի խոնավությունը, իսկ դրա բացակայությունը հանգեցնում է խոնավության կորստի:


Սթրեսի մասին


Սթրեսը հաճախ է նույնացվում բացասական երևույթի հետ: Սակայն լողավազան հաճախելն օրգանիզմի համար սթրես է: Թեթև «ֆիզիոլոգիական» սթրես են տարատեսակ ջրային պրոցեդուրաները` լողավազանում ֆիզիկական մարզումները, շոգեբաղնիքն ու բաղնիքը, ջրային մերսումը, տաք-սառը ցնցուղը: Ֆիզիոլոգիական նշանակում է բնական գործընթաց, որի ժամանակ տեղի է ունենում կենսաբանական ակտիվ նյութերի արտադրանք, ասենք` հորմոնների, որոնց օգնությամբ օրգանիզմը հարմարվում է շրջապատող միջավայրի պայմանների փոփոխություններին: Տվյալ սթրեսը շատ օգտակար է օրգանիզմին: Այդ ժամանակ օրգանիզմն աշխուժանում է, իսկ իմունային համակարգը «մտապահում» է այդ վիճակը: Ու որքան հաճախ են լողավազան կատարվող այցելությունները, այնքան այդ վիճակն ամրապնդվում է իմունային համակարգի «հիշողության մեջ»:

Սկզբնաղբյուր. ankakh.com
Լուսանկարը. shttuchka.ru
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Ֆիզիկական ծանրաբեռնվածությունը և մարզումները` հղիության ժամանակ. հարցազրույց Մարիամ Հակոբյանի հետ. morevmankan.am
Ֆիզիկական ծանրաբեռնվածությունը և մարզումները` հղիության ժամանակ. հարցազրույց Մարիամ Հակոբյանի հետ. morevmankan.am

Ֆիզիկական ակտիվության կարևորությունը` հղիության ժամանակ:
Հղիության նորմալ ընթացքի դեպքում կնոջ համար ֆիզիկական ծանրաբեռնվածությունն անհրաժեշտություն է...

Հղիություն, ծննդաբերություն
Մարզասրահում առողջության համար հնարավոր վնասները. armeniamedicalcenter.am
Մարզասրահում առողջության համար հնարավոր վնասները. armeniamedicalcenter.am

Ֆիզիկական ակտիվությունը և սպորտն առողջ ապրելակերպի անհրաժեշտ պայման են: Շատ հիվանդություններ, եթե ոչ ուղղակիորեն, ապա` անուղղակի, կապված են հիպոդինամիայի հետ: Եվ ներկայում շատերն են, դա հասկանալով...

Որ հիվանդությունների դեպքում է լողավազանն օգտակար. ankakh.com
Որ հիվանդությունների դեպքում է լողավազանն օգտակար. ankakh.com

Լողն ամենալավ ֆիզիկական ծանրաբեռնվածությունն է տարբեր հիվանդությունների դեպքում: Ջրում մարզումները բացառում են գերլարվածությունն ու մկանների լարումը...

Ինչո՞ւ մարզումներից հետո չի կարելի միրգ ուտել. news.am
Ինչո՞ւ մարզումներից հետո չի կարելի միրգ ուտել. news.am

Մրգերն առողջության համար օգտակար են, քանի որ քիչ կալորիա եւ շատ վիիտամիններ ու հանքանյութեր են պարունակում: Սակայն դա չի նշանակում, որ միրգ կարելի է ուտել ցանկացած քանակով եւ օրվա ցանկացած ժամին...

Սնունդը և առողջությունը
Արագ նիհարելու տարբերակ. 1in.am
Արագ նիհարելու տարբերակ. 1in.am

Նրանք, ովքեր ցանկանում են կարճ ժամանակահատվածում, առանց հյուծիչ դիետաների ու հոգնեցնող մարմնամարզության ազատվել ավելորդ քաշից, ունեն այլընտրանք: Ճապոնացի բժիշկ Ֆուկուցուձիի մշակած մեթոդն անցած...

Ճարպակալում
5 պատճառ՝ երեկոյան մարզասրահ այցելելու համար. med.news.am
5 պատճառ՝ երեկոյան մարզասրահ այցելելու համար. med.news.am

Մարդիկ շատ հաճախ նախընտրում են մարզվել առավոտյան, սակայն մասնագետները խորհուրդ են տալիս մարզվել երեկոյան: Երեկոյան մարզումները մի շարք...

5 մթերք, որոնք չի կարելի օգտագործել մարզասրահ այցելելուց առաջ. med.news.am
5 մթերք, որոնք չի կարելի օգտագործել մարզասրահ այցելելուց առաջ. med.news.am

Որոշ մթերքներ խորհուրդ չի տրվում օգտագործել մարզասրահ այցելելուց կամ ցանկացած այլ ֆիզիկական ծանրաբեռնվածությունից առաջ, քանի որ համարվում է, որ դրանք...

Սնունդը և առողջությունը
Մի քանի պատճառ՝ վազքով զբաղվելու համար. tert.am
Մի քանի պատճառ՝ վազքով զբաղվելու համար. tert.am

Վազքն իդեալական միջոց է հրաշալի տեսք ունենալու համար, որն, ի դեպ, նաև անվճար է։ Վազքով զբաղվելը հատուկ սարքավորումներ և հատուկ վայր չի պահանջում։ Դրանով կարելի է զբաղվել գրեթե ամբողջ տարին...

4 պատճառ յոգայով զբաղվելու համար. news.am
4 պատճառ յոգայով զբաղվելու համար. news.am

Յոգան շատ օգտակար է ո՛չ միայն հոգու, այլ նաև մարմնի համար: Ձեզ ենք ներկայացնում յոգայով զբաղվելու մի քանի պատճառ...

Հինգ հասարակ և արդյունավետ միջոց յոգայով զբաղվելու համար. 1in.am
Հինգ հասարակ և արդյունավետ միջոց յոգայով զբաղվելու համար. 1in.am

Հինգ հասարակ և արդյունավետ միջոց՝ յոգայով զբաղվելու համար: Հատակցրեք ձեզ օրական 15 րոպե, գրում է...

Հավասարակշռության կորուստը կանխող 3 վարժություն. news.am
Հավասարակշռության կորուստը կանխող 3 վարժություն. news.am

Հավասարակշռության ամրապնդումն սկսվում է մեր անձնական գիրոսկոպը ձեւավորող երեք տարբեր սենսորներից: Մեր ներքին լսողությունը, մեր տեսողությունը եւ մկանա-նյարդային ընդունիչները պատասխանատու են մեր հավասարակշռության համար:  Եթե...

Նյարդաբանություն
12 մարզական վարժություններ, որոնց գոյությանը դժվար է հավատալ. 1in.am
12 մարզական վարժություններ, որոնց գոյությանը դժվար է հավատալ. 1in.am

Վերջին տարիներին ավելի ու ավելի են ավելացել տարօրինակ վարժությունների միջոցով կազմվածքը վերականգնելու փորձերը այս 12 եղանակներով: Պատրաստվեք, դրանցից որոշները ձեզ հաստատ կզարմացնեն, գրում է...

Մարզիկի մտածողական մարզումը
Մարզիկի մտածողական մարզումը

Սպորտային իրականությունում մարզիկների մտածողական մարզումներն իրենցից ներկայացնում են որոշակի գործողությունների ու շարժումների մտածողական կրկնություն...

Մարզիկի մոտիվացիան
Մարզիկի մոտիվացիան

Մոտիվացիան մարզիկի հաջողության հասնելու կարևորագույն դերակատարություններից է: Այն նպատակին հասնելու ներքին մղումն է...

Հոգեկան առողջություն
Շաբաթական 3 անգամ մարզանք անելը մեծապես նվազեցնում է դեպրեսիայի վտանգը. tert.am
Շաբաթական 3 անգամ մարզանք անելը մեծապես նվազեցնում է դեպրեսիայի վտանգը. tert.am

Նոր ուսումնասիրության համաձայն՝ շաբաթական 3 անգամ մարզանք անելը մոտ 16 տոկոսով նվազեցնում է դեպրեսիայի (ընկճախտի) առաջացման վտանգը, հայտնել են Լոնդոնի համալսարանական քոլեջի...

Հոգեկան առողջություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ