Ինչո՞վ են վտանգավոր ֆիզիկական ծանրաբեռնվածությունները

Մաքուր օդում հարկ է մարզվել զգուշությամբ, հատկապես, ամռանը: Ամերիկացի բժիշկները սրտի բաց վիրահատություն տարած հիվանդներին հանձնարարում են  սպորտով զբաղվել, սկզբում վերականգնողական կենտրոնում, ֆիզիոթերապևտների հսկողության ներքո, այնուհետև,  ինքնուրույն, ծանրաբեռնվածությունները սահուն կերպով մեծացնելով:

Ընդ որում, սպորտն օգտակար է և´ հիվանդներին, և´ առողջներին: Ամռանը գերազանց հնարավորություն է  հեղձուկ օդով դահլիճներից մարզումները տեղափոխել և կատարել մաքուր օդում: Սակայն շոգ եղանակը նույնպես վտանգավոր է առողջության համար, այնպես որ, ավելորդ չի լինի նախազգուշական միջոցներ ձեռք առնել: Օրինակ, եթե արևն անընդմեջ «վառում» է, ապա դրսում չարժե մարզվել, ավելի լավ է օդորակիչով տարածքում դա անել, իսկ առավոտյան և երեկոյան, երբ շոգ չէ, կարելի է նաև դրսում: Սպորտային վարժությունները հարկ է սկսել թեթև վարժանքներից, որոնք ներառում են նաև շնչառական վարժություններ և ձգումներ: ՙՏաքացրեք՚ մկանները մինչև դրանց ձգումները: Եվ մի մոռացեք բավարար քանակությամբ հեղուկ ընդունել, որպեսզի լրացնել օրգանիզմում ջրային հավասարակշռությունը, թույլ չտալով ջրազրկում: Ի դեպ, մարզումներից հետո սառը և տաք ցնցուղը շատ վտանգավոր է: Ջերմաստիճանի կտրուկ տատանումները սրտի վրա մեծացնում են ծանրաբեռնվածությունը: Ավելի լավ է գոլ ջրով ցնցուղ ընդունել:

Ն.Ա.

Հարցեր, պատասխաններ, մեկնաբանություններ