10 խորամանկություն, որոնք կօգնեն փափկեցնել ոտքերի կոշտ հատվածները. 168.am

Steptohealth.ru-ն գրում է, որ տարբեր գործոնների ազդեցության հետևանքով ոտնաթաթերի մաշկը հաճախ է կոշտանում և տգեղ տեսք ստանում։ Այդպիսի խնդիրներից խուսափելու համար հարկավոր է խնամել ոտքերը։ Այս գործում օգնության կհասնեն ո՛չ միայն քիմիական, այլև տան պայմաններում պատրաստված բնական միջոցները։

1. Քար և լոգանք։ Եթե ցանկանում եք հարթ ու փափուկ մաշկ ունենալ, խորհուրդ է տրվում քնելուց առաջ ոտքերը դնել տաք ջրի մեջ, թողնել 15-20 րոպե։ Զգուշությամբ մաքրեք ոտքերը հատուկ քարի օգնությամբ, ինչը կօգնի ազատվել մաշկի մահացած հատվածներից։ Լավ չորացրեք ոտքերը, խոնավացնող քսուք քսեք և գուլպա հագեք։

2. Բուսական յուղեր։ Ոտնաթաթերի մաշկը հաճախ տուժում է ոչ բավարար խոնավեցման և չորության հետևանքով։ Բուսական յուղերն արդյունավետ միջոց են, որոնք կօգնեն խոնավացնել մաշկը, կանխարգելել դրա չորացումը։ Այդ նպատակով խորհուրդ է տրվում օգտագործել կոկոսի և ձիթապտղի յուղ։ Քնելուց առաջ յուղը քսեք մաշկին, բամբակե գուլպա հագեք։

3. Վազելին և կիտրոնի հյութ։ Այս երկու բաղադրիչները կօգնեն փափկացնել չորացած մաշկը։ Ոտքերը 15-20 րոպեով դրեք տաք ջրի մեջ։ Չորացրեք ոտքերը, չոր հատվածներին կիտրոնի հետ խառնած վազելին քսեք։ Բամբակե գուլպա հագեք։

4. Մեղր։ Մեղրը բազմաթիվ հատկություններ ունիև ոտքերի մաշկը խնամելու արդյունավետ միջոց կարող է ծառայել։ Այն խոնավացնում է մաշկը, ինչի շնորհիվ դառնում է հարթ և փափուկ։ Ոտնաթաթերի մաշկը փափկացնելու համար հարկավոր է մեկ ճաշի գդալ մեղրն ավելացնել տաք ջրին, ոտքերը դնել դրա մեջ։

5. Պարաֆինի հիմքով միջոց։ Այս միջոցը հատկապես համապատասխանում է նրանց, ում ոտքերը շատ չոր են։ Հարկավոր է խառնուրդ պատրաստել՝ օգտագործելով պարաֆին և կոկոսի կամ մանանեխի յուղ։ Տաքացրեք բաղադրիչները, քսեք ոտքերին։ Հարմար գուլպա հագեք, թողեք ամբողջ գիշեր։

6. Բրնձի ալյուր։ Խառնուրդ պատրաստեք՝ օգտագործելով 2-3 ճաշի գդալ բրնձի ալյուր, մեղր, խնձորի քացախ։ Ոտքերը դրեք տաք ջրի մեջ։ Ստացված միջոցը քսեք ոտքերին և շրջանաձև շարժումներով մերսեք։

7. Վարսակ։ Վարսակը բնական միջոցներից է, որը կարող է օգնել ոտքերի մաշկը փափկեցնելու գործում։ Մի քանի գդալ վարսակը խառնեք ժոժոբայի յուղի հետ։ Քսեք մաշկի վնասված հատվածներին, թողեք 10 րոպե, լվացեք։

8. Յոգուրտով և մեղրով պատրաստված խառնուրդ։ Եվս մեկ արդյունավետ միջոց՝ ոտնաթաթերի մաշկը փափկեցնելու համար։

Բաղադրիչներ.

• 1 յոգուրտ՝ 125 գրամ,
• 1 ճաշի գդալ մեղր՝ 25 գրամ։

Պատրաստման եղանակը։ Խառնեք մեղրն ու յոգուրտը, քսեք մաշկին։ Արդյունքի հասնելու համար հարկավոր է կրկնել ամեն օր։

9. Կերակրի սոդա և վարսակ։ Խառնեք այս երկու բաղադրիչները, քսեք ոտնաթաթերի այն հատվածին, որոնք կոշտացած են։

10. Գերչակի յուղ։ Գերչակի յուղն ամենաարդյունավետ միջոցներից է, սակայն կարելի է օգտագործել միայն այն դեպքում, երբ մաշկի վրա վնասվածքներ և վերքեր չկան։ Կտորը թրջեք գերչակի յուղով, դրեք վնասված հատվածներին, ֆիքսեք։

Հարցեր, պատասխաններ, մեկնաբանություններ