Սոխը, թուզը եւ սեւ սալորը` ոտքերի կոշտուկների դեմ. aravot.am

Ոտնաթաթի վրա առաջացող կոշտուկները հաճախ են անհարմարավետություն պատճառում: Սա առաջանում է առանց գուլպայի եւ զուգագուլպայի կոշիկ հագնելու կամ նոր նեղ կոշիկի հետեւանքով: Առաջացած կոշտուկներից հեշտությամբ կարելի է ազատվել` օգտագործելով սոխ:

Գլուխ սոխը մաքրել, կիսել եւ դնել բաժակի մեջ՝ վրան ավելացնելով խնձորի քացախ: 1 օր պահել սառնարանում, այնուհետեւ հանել սոխը քացախի միջից, պոկել շերտերից եւ առավոտյան ու երեկոյան դնել կոշտուկի վրա՝ ֆիքսելով այն բինտով:

Կոշտուկներից ազատվելու մեկ այլ տարբերակ` թզի միջոցով: Ոտքերը տաք ջրում փափկեցնելուց հետո լավ չորացնել եւ թուզը կիսել ու ներսի կողմից դնել կոշտուկի վրա: Հարմար է այն դնել գիշերը: Կարելի է թուզը փոխարինել սեւ սալորով՝ եփել սեւ սալորը կաթի մեջ, հանել կորիզը եւ տաք վիճակում դնել կոշտուկի վրա: Սառելուց հետո դարձյալ փոխարինել տաք սալորի թրջոցով:

Հարցեր, պատասխաններ, մեկնաբանություններ