Ինչպես սոդայի միջոցով ազատվել ճաքճքած կրունկներից. tert.am

Ոտնաթաթի ճաքճքած ու կոշտ կրունկները ծանոթ խնդիր են հազարավոր կանանց համար: Դրանք հարթեցնելու ու ավելի փափուկ դարձնելու համար բազմաթիվ կանայք հսկայական գումարներ են վատնում գեղեցկության սրահներում: Սակայն գոյություն ունի միանգամայն բնական մի բաղադրատոմս, որը կիրառելու դեպքում հնարավոր է լուծել տհաճ խնդիրը:
 

Ինչպես նշում է Healthy Life Vision կայքը, հարկավոր է վերցնել 2 ճաշի գդալ սոդա,4-5 լ տաք ջուր, մի քիչ խոնավեցնող քսուկ, ինչպես նաև ցանկության դեպքում` նարդոսի եթերայուղ:
 
Վերը թվարկված բոլոր բաղադրիչները` բացի խոնավեցնող քսուկից, լցնել ջրի մեջ ու խառնել, այնուհետև ոտքերը 15-20 րոպեով դնել ջրի մեջ, ու կոշտ քարով մաքրել կրունկները: Դրանից հետո կրունկներին խոնավեցնող քսուկ քսել ու անմիջապես գուլպա հագնել: Այս պորցեդուրան խորհուրդ է տրվում կատարել քնելուց առաջ:
 
Աղբյուրի պնդմամբ, շաբաթական 2 անգամ կիրառելու դեպքում Դուք կազատվեք կրունկների տհաճ ճաքերից:

Հարցեր, պատասխաններ, մեկնաբանություններ