Ավելորդ մազերի հեռացման լավագույն տարբերակները. Խորհուրդներ մասնագետից

Լավ է, երբ գլխին փարթամ գանգուրներ են, իսկ մարմնի վրա ընդհանրապես մազ չկա: Բայց շատ հայուհիներ տառապում են դեմքի ու մարմնի վրա եղած մազերի պատճառով: Նախկինում կային նորաձեւ քսուք դեպիլյատորներ, այնուհետեւ դրանց հաջորդեց էլեկտրաէպիլյացիան: Այժմ հայտնվել է անցանկալի մազերից ազատվելու նոր միջոց: Դա լազերային էպիլյացիան է:

Այս միջոցը ջրի երես դուրս բերելու գործում մեզ օգնեց լազերալին էպիլացիայի մասնագետ Արմինե Հայրապետյանը.

«Լազերային էպիլյացիալի վերաբերյալ կան տարբեր նախապաշարմունքներ: Հաճախ լազերային լույսը շփոթում են ռենտգենի լույսի հետ: Շատերին թվում է, որ կատարելով լազերային էպիլացիա, նրանք ենթարկվում են ճառագայթման: Դա այդպես չէ: Մենք բոլորին բացատրում ենք, որ լազերը դա լույսի լուսապատկերն է` սահմանափակ հնարավորություններով: Այն ֆիզիկապես ի վիճակի չէ խորանալ 3 միլիմետրից ավելի: Ուստի այս միջոցը ոչ միայն կոնտակտային չէ, այլ նաեւ անբողջությամբ անվտանգ է: Ավելին, ընդհանրասպես վարակի ներթափանցման վտանգ չկա:  

Էպիլյացիայի ընթացքում օգտագործվում է հզոր լուսային իմպուլս: Առանձնացվող լույսը հեշտությամբ ներծծում է մելանիումը (մուգ պիգմենտ, որն  առկա է մաշկում, մազերում) ու վերածվում ջերմային էներգիայի, որից եւ ոչնչանում է մազը: Քանի որ լազերը մազերի հեռացնան համար օգտագործում է միայն լույս, ապա տվյալ պրոցեդուրան մաշկի գրգռվածություն չի առաջացնում, որը կարող են առաջացնել էպիլացիայի մյուս միջոցները: Մեկ իմպուլսի ընթացքում լուսարձակվում է 18 միլիմետր շառավղով բծեր (պայմանավորված լազերի ու օգտագործվող արմատահան-օպտիկական գործիքի հզորությունից): Այդ ընթացքում մշակվում է մաշկի ողջ լուսարձակվող հատվածը, այնպես որ յուրաքանչյուր առանձին մազի վրա կենտրոնանալու կարիք չի զգացվում, ինչպես դա արվում է  էլեկտրոէպիլացիայի ժամանակ: Դա թույլ է տալից մի քանի րոպեում մշակել բավականին մեծ հատված` պահպանելով մանիպուլյացիայի ճշգրտությունը: Միջինը, անցանկալի մազերից ազատվելու համար պահանջվում է 5-7 պրոցեդուրա: Իհարկե կան նայեւ հակացուցումներ, ավելի ճիշտ, այսպես կոչված «ռիսկային խումբ»: Դրանք թխամաշկ ու բաց գույնի մազերով մարդիկ են: Բանն այն է, որ թխամաշկերի մոտ մելանինի պարունակությունը ավելի բարձր է: Ուժեղ իմպուլսը մազերի փոխարեն կարող է շիկացնել մաշկում եղած մելանինը, իսկ արդյունքում լազերը կարող է թեթեւ այրվածքների պատճառ դառնալ:Որպեսզի դրանից խուսափենք, անհրաժեշտ է օգտագործել թույլ իմպուլս: Լազերային էպիլացիան խորհուրդ չի տրվում նաեւ հղիներին: Լազերը հակացուցված է շաքարախտով հիվանդներին ու մաշկի չարորակ հիվանդություններով տառապող մարդկանց:

Եւ վերջում խորհուրդ. Էպիլացիայի գնացեք միայն վստահելի սրահներ: Այնտեղ յուրաքանչյուր այցելուի համար անցկացնում են հատուկ կոնսուլտացիաներ ու միայն դրանից հետո, հաշվի առնելով մաշկի տեսակը, մազերի որակն ու քանակությունը, մասնագետը որոշում է իմպուլսի հզորությունն ու ժամանակահատվածը: Եղեք գեղեցիկ»:

Հարցեր, պատասխաններ, մեկնաբանություններ