Թաիլանդական դիմակ՝ դեմքի մաշկը վերականգնելու համար. 168.am

just-lady կայքը ներկայացնում է դեմքի դիմակ, որն օգտագործվում է թաիլանդական ՍՊԱ սրահներում: Այս դիմակը կարող եք պատրաստել նաև տան պայմաններում, քանի որ բոլոր բաղադրիչները ծանոթ են և մատչելի: Դիմակը հարմար է մաշկի տարբեր տեսակների համար: Այն կարող եք քսել շպարից առաջ:

Դիմակը փափկացնում և սնուցում է մաշկը, հարթեցնում է մաշկի գույնը, վերացնում մաշկի թեփոտվածությունը:

Հասած բանանի 1/3-ը տրորեք, ավելացրեք 0.5-1 թ/գ ջուր: Առանձին աղացեք բրինձն ու վարսակի փաթիլները: Յուրաքանչյուրից 1 թ/գ լցրեք տարայի մեջ, ավելացրեք 1 թ/գ աղացած ընկույզ: Այս ամբողջ խառնուրդին ավելացրեք 2 թ/գ բանանի խյուսը և լավ խառնեք:

Բանանի փոխարեն չոր բաղադրիչներին կարող եք ավելացնել կաթ, սերուցք: Սակայն բանանը լավագույն ընտրությունն է, քանի որ մեծ քանակությամբ ցինկ, երկաթ և մագնեզիում է պարունակում:

Բրինձը յուրօրինակ մթերք է, այն հարթեցնում է դեմքը: Բրինձը պարունակում է մեծ քանակությամբ հակաօքսիդանտներ, որոնք օգնում են պահպանել մաշկի երիտասարդությունը:

Վարսակը թեփազատում է մաշկը: Իսկ ընկույզը ձգում է այն:

Նախապես մաքրած դեմքին մերսող շարժումներով քսեք դիմակը: Սպասեք 10-15 րոպե: Ապա լվացեք դեմքը եռացրած-սառեցրած ջրով: Վերջում դեմքին քսեք ամենօրյա օգտագործման քսուկը:

Դիմակը կարող եք օգտագործել շաբաթական 2-3 անգամ:

Հարցեր, պատասխաններ, մեկնաբանություններ