Արդյունավետ բնական միջոց՝ մարմնի վրայի բծերից ազատվելու համար. 168.am

Կիտրոնի բնական հատկությունների շնորհիվ դրա թթվի հիմքով պիլինգն արդյունավետ պայքարում է ճարպագեղձերի աշխատանքի ակտիվության դեմ, նպաստում է ծակոտիների նեղացմանը։ Econet.ru կայքը գրում է, որ այդ պատճառով կիտրոնը խորհուրդ է տրվում մի շարք դեպքերում։

Կիտրոնի պիլինգ. օգտագործման կանոնները

Պիլինգի համար նախատեսված միջոցը պատրաստում են նախօրոք՝ հետևելով մաշկի տեսակի և բաղադրիչների առնչությամբ տրվող խորհուրդներին։ Պատրաստած դիմակը լավ խառնում են, մինչև ստանան միասեռ զանգված։ Մինչև սկրաբը մաշկին քսելը մաշկը տաքացնում են ջրով և մաքրում. միայն մաքուր և տաք մաշկին կարելի է քսել դիմակը` նուրբ, մերսող շարժումներով։ Դիմակը մաշկին պահում են 5-15 րոպե՝ կախված մաշկի տեսակից և անհատական զգացողություններից։ Որպես կանոն՝ չոր և նորմալ մաշկի համար օպտիմալ ժամանակահատվածը կազմում է 5-8 րոպե, յուղոտ մաշկի համար՝ 8-12։ Դիմակը մաշկից մաքրում են տաք ջրով, իսկ մաշկին խոնավեցնող նրբաքսուկ քսում։ Կիտրոնի պիլինգը խորհուրդ է տրվում կատարել.

• մեկ շաբաթվա ընթացքում մեկ անգամից ոչ ավելի` յուղոտ մաշկի դեպքում,
• 10-14 օրովա մեջ 1 անգամ` նորմալ մաշկի դեպքում,
• 2-3 շաբաթվա ընթացքում 1 անգամից ոչ ավելի` չոր մաշկի դեպքում:

Յուղոտ մաշկի համար։ 1 ճաշի գդալ մեղրը տաքացնում են գոլորշու միջոցով և լավ խառնում 200 մլ բնական ոչ յուղոտ յոգուրտի ու կես կիտրոնի հյութի հետ։ Հարում են ձվի դեղնուցը և ավելացնում հիմնական զանգվածին, ևս մեկ անգամ խառնում։

Չոր և նորմալ մաշկի համար։ Անհրաժեշտ է 1 թեյի գդալ կիտրոնի կեղև։ Այն խառնում են 1 ճաշի գդալ վարսակի կամ բրնձի ալյուրի հետ։ Ավելացնում են մի փոքր ջուր, որպեսզի դիմակը հարմար լինի քսել դեմքին։ Եթե մաշկը զգայուն չէ, կարելի է ավելացնել կես թեյի գդալ կիտրոնի հյութ։

Անգլիական պիլինգ։ Կիտրոնի կեղևն անհրաժեշտ է խառնել 1 ճաշի գդալ բնական բուսական յուղի հետ։ Ավելացնում ենք նաև 1-2 կաթիլ կիտրոնի եթերային յուղ։

Կիտրոնով պիլինգ՝ բծերի դեմ։ Մանրացրեք 1 կիտրոնի կեղևը, ավելացրեք 100 գրամ թթվասեր կամ ոչ յուղոտ յոգուրտ, ինչպես նաև 6-7 կաթիլ ռոզմարինի եթերային յուղ։ Լավ խառնեք բոլոր բաղադրիչները և քսեք խնդրահարույց հատվածներին։ 15-20 րոպե անց լվացեք տաք ջրով։

Ե՞րբ կարելի է օգտագործել կիտրոնի պիլինգ.

• հոգնած մաշկի դեպքում,
• կեղտոտ մաշկի դեպքում,
• յուղոտ մաշկի դեպքում,
• եթե ունեք խնդրահարույց մաշկ,
• թոշնած մաշկի դեպքում, երբ կան ծերացման առաջին նշանները։

Հակացուցումներ։  Շատ չոր, զգայուն և գրգռված մաշկի դեպքում կիտրոնի պիլինգ խորհուրդ է տրվում կատարել շատ զգուշությամբ։ Կողմնակի ազդեցությունից խուսափելու համար գերադասելի է խորհրդակցել մասնագետի հետ։ Ընտրեք այն բաղադրատոմսը, որոնց կազմում մտնում են փափկացնող և խոնավացնող բաղադրիչներ։

Հարցեր, պատասխաններ, մեկնաբանություններ