5 բնական մթերք, որոնք կարող են փոխարինել խանութից գնված դիմահարդարման միջոցներին. news.am

Շատ կանայք հաճույքով  դիմահարդարման թանկարժեք միջոցներ են գնում, բայց համառորեն անտեսում են բնական մթերքները, որոնք առկա են գրեթե յուրաքանչյուր սառնարանում եւ կարող են ոչ պակաս արդյունավետ լինել:  Ձեր ուշադրությանն ենք ներկայացնում մի քանի մթերք, որոնք կարող են օգնել պահպանել մաշկի  գեղեցկությունը եւ երիտասարդությունը:

Լոլիկ

Լոլիկը հզոր հակաօքսիդանտ է, որն օգտակար են մաշկի համար: Լոլիկից մածուկ պատրաստեք եւ 10-15 րոպե քսեք մաշկին (եթե լոլիկից ալերգիա չունեք): Նման դիմակը հանգստացնում և լավացնում է մաշկը: 

Բանանի կեղեւ

Բանանի հիմքի վրա դեմքի դիմակների հարյուրավոր բաղադրատոմսեր գոյություն ունեն, սակայն բանանի կեղեւը եւս շատ արժեքավոր է: Այն հագեցած է մրգային թթվով, որից թեփոտում է մաշկը: Բանանի կեղեւը կտրատեք փոքր կտորներով եւ ամեն երկու օրը մեկ քսեք դեմքին (եթե բանանից ալերգիա չունեք). դա մաշկը փափուկ եւ հարթ կդարձնի: 

Թեյի օգտագործված տոպրակներ

Դուք հավանաբար լսել եք, որ թեյի օգտագործված տոպրակները աչքերի շուրջը փափկեցնող ազդեցություն են գործում` ազատելով աչքերի տակի պարկերից: Բայց քչերն են լսել, որ դրանք կարելի է օգտագործել նաեւ սափրվելուց հետո մաշկի գրգռման դեմ պայքարելու համար: Տաք տոպրակները մի դրեք մաշկին, թողեք` սառեն:

Կանաչ թեյ

Եթե թեյամանի մեջ մի քիչ կանաչ թեյ է մնացել, մի թափեք: Կանաչ թեյը կարելի է օգտագործել արեւային այրվածքների դեմ պայքարելու համար, որովհետեւ այն հանգստացնող ազդեցություն ունի: Այն կարելի է քսել նաեւ գլխամաշկին:

Կաթ

Կաթը կարելի է հավելել լոգանքին կամ օգտագործել որպես դեմքի դիմակ կամ սկրաբ  (թեփուկների կամ մանր վարսակի հետ), եթե արդեն սկսել է թթվել: Այն հանգստացնող ազդեցություն է գործում մաշկի վրա եւ թեփոտելով հեռացնում մեռած բջիջները:

Հարցեր, պատասխաններ, մեկնաբանություններ