Հատուկ դիմակը կբացահայտի` արդյո՞ք կոսմետիկ միջոցները համապատասխանում են մաշկին. tert.am

Ֆրանսիացի գիտնականները նոր սարքավորում են ստեղծել, որը կարող է որոշել` արդյո՞ք այդ պահին կատարված դիմահադարումը համապատասխանում է ձեր մաշկին, թե` ոչ: Ինչպես ներկայացնում է Rbc.ru-ն, Wired Beauty  ընկերության գիտնականների ստեղծած դիմակը նախատեսված է ամենօրյա դիագնոստիկա կատարելու համար: Այն կարող է ցույց տալ, թե այդ պահին ինչի կարիք ունի մաշկը:

Տնային դիմակը վերլուծում է  մաշկի վիճակը տվյալ պահին և տվյալները հաղորդում է սմարթֆոնին: Գլխավոր ցուցանիշը մաշկի  խոնավության աստիճանն է: Հենց այդ գործոնն է հիմնականը համարվում ծերացման դեմ պայքարում:

Ամբողջ վերլուծությունը կատարվում է մեկ րոպեում և բոլոր տվյալները պահպանվում են սմարթֆոնի հատուկ հավելվածում` համեմատելու համար: Սովորական դիագնոստիկայից բացի, այն կբարելավի սնուցիչ նյութերի ներթափանցումը և տնային խնամքի արդյունքները:

----------

Հարցեր, պատասխաններ, մեկնաբանություններ