Ինչպես խնամել ձմռանը և ցուրտ եղանակներին դեմքը` չորանալուց. escopharm.am

Ձմռան սառը օդից, ձյունից, քամուց դեմքի մաշկը հաճախ չորանում, կարմրում է և մաշկը լրացուցիչ խնամք է պահանջում: Այս հարցում կօգնեն «ձմեռային դիմակները», որոնք կարող եք պատրաստել տնային պայմաններում:

Բանանով դիմակ. 1/4 բանանը պատառաքաղով լավ տրորել, ավելացնել 3 կաթիլ կիտրոնի հյութ և 3-5 կաթիլ ձիթապտղի ձեթ: Լավ խառնել, քսել դեմքին, թողնել 15 րոպե, ապա լվացվել գոլ ջրով: Այս դիմակը սնուցում է մաշկը, վերականգնում բնական խոնավությունը և լավացնում գույնը:

Մեղրով և կիտրոնով դիմակ. 1 թեյի գդալ մեղրը, 30-40 կաթիլ կիտրոնի հյութը և 1 ճաշի գդալ սպիտակ կավը լավ խառնել, քսել դեմքին: 25 րոպեից լվացվել սառը ջրով:

Մեղրով և սպիտակուցով դիմակ. 1 ձվի սպիտակուցին ավելացնել 1 թեյի գդալ մեղր, կես թեյի գդալ ալյուր, խառնել: Քսել դեմքին, 10 րոպեից լվանալ սառը ջրով:

Այս սնուցող պրոցեդուրաներից հետո քսել դեմքի խնամքի համար նախատեսված «Նարին-է» (Նարինե) նրբաքսուկը, որը կսնուցի մաշկը, կվերականգնի մաշկի ամբողջականությունը և կփափկեցնի այն՝ պաշտպանելով սառը օդի բացասական ազդեցություններից:

Հարցեր, պատասխաններ, մեկնաբանություններ