Մաշկի սառեցման զարմանահրաշ օգտակար հատկությունները. tert.am

Մաշկի սառեցումը դարձել է գեղեցկության պահպանման ժամանակակից միջոցներից մեկը: Այս թերապիան արդեն մի քանի տարի է, ինչ ակտիվորեն կիրառվում է սպա մասնագետների կողմից` որպես մաշկի խնամքի և վերականգնման միջոց:

Ինչպես հայտնում է justnaturallife.com-ը` այս թերապիան ունի մի շարք օգտակար հատկություններ. մաշկի սառեցումն ունակ է.

• թարմացնելու դեմքի մաշկը,
• պայքարելու կնճիռների ձևավորման դեմ,
• վերացնելու բշտիկներն ու կարմրությունը,
• բարելավելու արյան  շրջանառությունը, որի հետևանքն առողջ  փայլ ունեցող մաշկն է:

Եթե դեմքի մաշկին  նոր բշտիկ եք նկատել, քսեք սառույցը դրա վրա, և այն կկանգնեցնի բորբոքումը:

Սառցե խորանարդիկը դեմքի վրա պահեք մի քանի վայրկյան: Այս գործողությունը կարելի է կատարել նաև ամեն գիշեր: Այն կօգնի զերծ մնալ բշտիկների առաջացումից:

1. առաջին հերթին՝ մաշկը լավ լվանալք, մաքրել,

2. փաթաթել սառույցի մեկ կամ երկու կտոր թանզիվով կամ որևէ այլ փափուկ կտորով,

3. երբ այն սկսում  է հալչել, և կտորը խոնավանում է, դնել դեմքին,

4.  տարբեր մասերի վրա քսելով՝ պահել այն 1-2 րոպե,

5. սառույցը դեմքին քսել մեղմ, շրջանաձև շարժումներով` ծնոտի, կզակի, այտերի, քթի և ճակատի շրջանում:

Ուշադրություն.

Գործընթացն  սառցե խորանարդիկներն առանց փաթաթելու իրականացնելու դեպքում պետք է ձեռնոց կրել, քանի որ դրանք անհնար է երկար պահել մատներով: Առանց փաթաթելու օգտագործելու դեպքում պետք է քսել դեմքին անմիջապես սառնարանից հանելուց հետո, քանի որ այն կարող է վնասել մաշկի տակ գտնվող մազանոթները:

Եթե կան վնասված մազանոթներ, ավելի լավ է զերծ մնալ այս գործընթացը կատարելուց: Այս գործողության ժամանակը չպետք է գերազանցի 15 րոպեն:

Ավելի լավ արդյունքի համար սառույցի վրա կարելի է կանաչ թեյ, վարունգ, վարդաջուր  կամ կիտրոն ավելացնել:

Հարցեր, պատասխաններ, մեկնաբանություններ