7 անփոխարինելի մթերք գեղեցիկ և առողջ մաշկ ունենալու համար. 1in.am

Մենք այն ենք, ինչ ուտում ենք: Այդ արտահայտությունը ծանոթ է շատերին, սակայն ոչ բոլորն են հետևում դրան: Իսկ իրականում սխալ սնունդը, քաղցր, ճարպոտ, աղի կամ կծու սննդի չարաշահումը վնաս է մաշկին և կարող է դեմքի մաշկի բշտիկների, այտուցների պատճառ դառնալ, գրում է elle.ru-ն:

Այդ պատաճառով այնքան կարևոր է ամենօրյա աննդակարգում ներառել մաշկի համար օգտակար սնունդ՝ ձուկ (հարուստ է ճարպային Օմեգա-3,6,9 թթուներով), կանաչ ու կարմիր բանջարեղեն, հատապտուղներ (անտիօքսիդանտների աղբյուր): Որոշ մթերքներ կարելի է ո՛չ միայն ուտել, այլև պատրաստել սկրաբներ, դիմակներ:

Վարսակաձավարի փաթիլներ

Վարսակաձավարի փաթիլները կարևորագույն մթերք են մեգապոլիսի բնակիչների համար: Դրանք բարելավում են աղիքների գործունեությունը, նորմալացնում են նյութափոխանակությունը, դուրս են մղում շլակներն ու տոքսինները: Դա կարևոր է, քանի որ առողջ մարսողությունը գեղեցիկ մաշկի գրավականն է:

Կանաչ թեյ

Կանաչ թեյն ունի բազմաթիվ արժանիքներ. օգնում է թուլանալ, նորմալացնում է ճնշումն ու ամենագլխավորը՝ հզոր բնական հակաօքսիդանտ է: Այն հակազդում է սթրեսի առաջացմանը, որը մաշկի վաղաժամ ծերացման գլխավոր մեղավորն է:

Նուռ

Նուռը ևս հրաշալի հակաօքսիդանտ է: Եթե չեք սիրում այս վառ միրգն ուտել, աշխատեք ըմպել նռան թարմ քամած հյութ, որը և՛ օգտակար է, և՛ համեղ:

Կիտրոն

Անգամ դպրոցականները գիտեն, որ կիտրոնը վիտամին С-ի պահեստարան է, որը հարկավոր է էներգիայի և իմունիտետի ամրապնդման համար:

Ձիթայուղ

Իտալուհիները զուր չէ, որ ձիթայուղն անվանում են իրենց երիտասարդության գլխավոր գաղտնիքն ու երկարակեցության էլիքսիրը:

Ձիթայուղը հարուստ է անփոխարինելի Օմեգա-3 ու Օմեգա-6 թթուներով, որոնք նպաստում են մաշկի ինքնախոնավացմանն ու մազերի և եղունգների կառուցվածքի վերականգնմանը:

Ծովային ջրիմուռ

Ջրիմուռները հարկավոր է ներառել ամենօրյա սննդակարգում: Դրանք բնական հակաբիոտիկներ են ու պարունակում են մի շարք հակաբորբոքային նյութեր:

Բնական յոգուրտ

Բնական յոգուրտը պարունակում է օգտակար լակտոբակտերիաներ՝ պրոբիոտիկներ, որոնք լավացնում են մարսողսւթյունն ու կարգավորում մետաբոլիզմը:

Հարցեր, պատասխաններ, մեկնաբանություններ