Մաշկն արթնանալու կարի՞ք ունի. ծերացման դեմ պայքարի 7 արդյունավետ միջոց

Առավոտյան արթնանալուն պես առաջին հերթին հայելու մեջ եք նայում եւ հասկանում, որ ձեր դեմքի մաշկը եւս արթնանալու կարիք ունի: Ցավոք, այս պարագայում գործ ունենք կյանքի ցավոտ ու անդառնալի կողմերից մեկի` տարիքի. հետ մաշկի ավելի հոգնած ու դժգույն տեսք ստանալու հետ: Որքան նվազում է մաշկի էներգիան, այնքան տուժում է բնական բաղադրիչների` կոլագեն եւ էլաստինի արտադրությունը, որոնք ապահովում են մաշկի ամրություն ու ճկունությունը: Եվ որքան մեծ է տարիքը, այնքան թուլանում է ծերացման դեմ պայքարի միջոցների արդյունավետությունը:

Բազմաթիվ ընկերություններ` մասնավորապես, մաշկի խնամքի միջոցներ ներկայացնող Olay Regenerist բրենդը, չեն ընկրկել ծերացման մարտահրավերի դեմ եւ շարունակում են գործընթացի դանդաղեցմանը միտված «գերլիցքավորված» միջոցներ ներկայացնել, - տեղեկացնում է Daily Mail-ը:

Բացի այդ, մի շարք ավանդական միջոցներ եւս շարունակում են մաշկի ծերացման դեմ պայքարի արդյունավետ միջոց համարվել` դիմային ասեղնաբուժությունից մինչեւ նեֆրիտային մերսող սարքը: Ներկայացնում ենք դրանցից մի քանիսը.

1. Դիմային ասեղնաբուժություն. վաղուց ապացուցված է, որ այս միջոցի օգնությամբ կարելի է դեմքի մկանների թուլացման եւ արյան ցանկալի շրջանառության հասնել: Պատահական չէ, որ Գվինեթ Փելթրոուն, Անջելինա Ջոլին եւ Ջենիֆեր Անիսթոնը չինական ասեղնաբուժության երկրպագուի համբավ ունեն:
   
   
2. Նեֆրիտային մերսող սարք. սա հրաշալի միջոց է` դեմքի մաշկի ավշային համակարգը խթանելու եւ ցամաքուրդ ապահովելու, արդյունքում խուսափել այտուցվելուց: Այն նաեւ արյան շրջանառության արդյունավետ խթանիչ է համարվում: Արժեքը 28 ֆունտ ստեռլինգ է: Փնտրեք www.cultbeauty.co.uk կայքում:
   
   
3. OLAY REGENERIST. Skin Energising տեխնոլոգիայով մշակված նոր բանաձեւը մի շարք բաղադրիչների` մատրիքսիլի, նիացինամիդի եւ օլիվեմի օգնությամբ, ծերացման դեմ պայքարի ամենաարդյունավետ միջոցներից մեկն է համարվում: Աշխարհահռչակ բրենդի կողմից թողարկվող համանուն քսուքը կամ շիճուկը կարելի է գնել Boots.com կայքից:
   
   
4. Գոլ ջրով լվացում. դեմքը սառը կամ տաք ջրով շփելը վնասակար է մաշկի տակ գտնվող մազանոթների համար: Իսկ ահա գոլ ջուրն ի վիճակի է ծակոտիներին հավելյալ ամրություն հաղորդել:
   
   
5. Էլեկտրաբուժություն. թույլ էլեկտրական հոսանքի միջոցով հնարավոր է մաշկի ցանկալի հատկությունների երկարաժամկետ վերականգնման հասնել: Արյան շրջանառության եւ մկանային տոնուսի խթանմանը միտված այս բուժամիջոցն անցավ է եւ անմիջապես տեսանելի արդյունքներ է ապահովում: Այդուհանդերձ, երկարաժամկետ արդյունքներ ապահովելու համար հարկ կլինի բուժման մի ամբողջ կուրս անցնել:
   
   
6. Դեմքի յոգա. այս բուժամիջոցի շնորհիվ արյան շրջանառությանը` ցանկալի մակարդակ եւ մկաններին ճկունություն կհաղորդեք, որոնք էլ երիտասարդ մաշկի ամենակարեւոր գրավականներն են համարվում: Փնտրել կարող եք The Yoga Face Amazon.co.uk կայքում: Արժեքն է 13.99 ֆունտ ստեռլինգ:
   
   
7. Սկրաբ. Դեմքի մաշկի երանգի եւ հյուսվածքների բարենորոգմանը միտված այս պարզ միջոցը որոշ դեպքերում անգամ կնճիռներից կազատի:

Հարցեր, պատասխաններ, մեկնաբանություններ