Դիմահարդարման խորհուրդներ. ստացիր ամենագայթակղիչ աչքերը

Այս «կատվանման» ոճը նույնքան գրավիչ է, որքան «smokey»-ն, սակայն ստացվում է ավելի արագ և շատ ավելի քիչ շպարի շնորհիվ։ Դիմահարդարումը չի սկսի «հոսել», անգամ եթե կրքերը «թեժանան»: 

Կորացրու թարթիչներդ, հետո քսիր անգույն ստվերաներկ կամ յուղազերծ բազա կոպերիցդ մինչև հոնքերդ ընկած հատվածում: Դա կօգնի, որ շպարը հետագայում «չհոսի»:

1. Կոպդ վեր բարձրացրու այնպես, որ տեսնես ներսի մասը, ֆիքսիր եզրը մի քանի շերտ սև մատիտով: Հետո ընդգծիր ներքևի կոպիդ եզրային մասը:

2. Նույն մատիտով ուրվագծիր վերին կոպիդ եզրը դրսից ու տարածիր գույնը թարթիչներիդ մեջ անկյունաձև վերջավորություն ունեցող վրձնով:

3. Մատիտի վրայից քսիր ջրիկ ուրվագիծ. սա շպարի «երկարակեցության» գաղտնիքն է: Հեղուկը կչորանա և կամրապնդի առաջին` սովորական մատիտով արված շերտը: Հարթ գիծ ստանալու համար նախ ջրիկ ուրվագծող մատիտով 4 կետ արա, հետո դրանք իրար միացրու:

4. Հիմա «թևավոր» ծայրերի` անկյունների հերթն է: Փակիր աչքերդ և մատդ սահեցրու վերին կոպիդ վրայով դեպի դուրս: Երբ հասնես ոսկրոտ մասին, ջրիկ ուրվագծող մատիտով կետ արա (a): Հետո մատիտի ծայրը դիր կոպիդ ներքին անկյունի վրա և եզրային մասով տար դեպի արտաքին անկյունը` աստիճանաբար գիծը հաստացնելով (b):

5. Երբ ուրվագիծը չորանա, կոպիդ քսիր կրեմագույն ջրիկ ստվերաներկ, իսկ կոպային ծալքի ներքին անկյունին և վերևի հատվածին` մետաղային երանգի ջրիկ ստվերաներկ: Այս ստվերաներկերը նույնպես արտացոլում են լույսը, սակայն, ի տարբերություն չոր տարբերակի, ավելի դիմացկուն են տաք եղանակին: Ավարտիր դիմահարդարումը երկու շերտ տուշով:

Հարցեր, պատասխաններ, մեկնաբանություններ