Բրիտանացի գիտնականները պարզել են, թե ինչու են ջրում մատները կնճռոտվում

Մեծ Բրիտանիայի Նյուքասլ համալսարանի հետազոտողներն առաջ են քաշել մի հիպոթեզ, որով բացատրվում է ջրում երկար մնալուց հետո ձեռքերի ու ոտքերի մատների կնճռոտման փաստը, գրում է Взгляд-ը՝ հղում անելով BBC-ին։

Մատների բարձիկների վրա ծալքերը հայտնվում են արյունատար անոթների սեղմման պատճառով, որը նյարդային համակարգի կողմից կառավարվող գործընթաց է։

Մասնագետները գտնում են, որ այս ռեակցիան մարդու մոտ ի հայտ է եկել էվոլյուցիայի ընթացքում։ Նրանք նշում են, որ մարդու համար թաց իրերն ավելի հեշտ է ամուր պահել անհարթ մակերեսով մատների օգնությամբ։ Մասնագետները բացատրում են, որ սնունդ գտնելու համար մեր նախնիները ստիպված են եղել «քչփորել» թաց խոտերի ու թփերի մեջ, ինչպես նաև ուսումնասիրել գետերն ու այլ ջրային տարածքները։

Հարցեր, պատասխաններ, մեկնաբանություններ