​Կենցաղային խորհուրդներ

Եթե նոր արծնապատ կաթսա եք գնել, ապա լվացեք ափսեների մածուկով, պարզաջրեք ու լավ չորացրեք, ապա կաթսայի մեջ աղաջուր լցրեք (1 լ ջրին՝ 2 ճ.գդալ), եռացրեք, հովանալուց հետո ջուրը թափեք: Դա կօգնի, որ էմալային ծածկույթը երկար ու առանց վնասվելու գործածեք:

• Ժանգը վերացնելու համար մեկ գլուխ սոխի կեսն էլ բավարար է. դրա համար պետք է սոխով ժանգոտ հատվածը շփել: Մեկ այլ միջոց. կիսած հում կարտոֆիլով ու մանր ավազով: Ավազը ցանել ժանգոտած մասին ու կարտոֆիլով շփել: Այդ կերպ կարելի է հեռացնել ժանգը` տապակից:

• Թեյնիկի նստվածքից կարելի է ազատվել` կիտրոնի կտորի կամ հյութի ու ջրի խառնուրդ եռացնելով:

• Որպեսզի կարտոֆիլի կեղևը եփելու վերջում չճաքի, պետք է մինչև կաթսան դնելը պատառաքաղով մի քանի տեղից ծակծկել:

• Թանձրահյութին ավելացվող ալյուրը լավ կլինի նախապես չոր տապակի կամ դաղած յուղի մեջ բովել` մինչև ոսկեգունելը: Հակառակ պարագայում, ալյուրի տհաճ համը չի թողնի ուտեստը վայելել:

• Որպեսզի կարագը տապակի մեջ չայրվի, պետք է մի քիչ ձեթ ավելացնել:

• Բուտերբրոդներին հարմար է նախօրդ օրվա հացը, նորը փշրվում է:

• Ձուն չի կարելի հարել ալյումինե թասի մեջ. դրանից ձուն մուգ երանգ է ստանում:

• Կարտոֆիլը տապակելիս պետք է աղը վերջում ավելացնել, այլապես այն կսևանա:

• Կիտրոնից առավելագույն հյութ ստանալու համար մինչև քամելը 5 րոպե պետք է տաք ջրի մեջ դնել:

• Խրթխրթան տապակած կարտոֆիլ վայելելու համար պետք է կարտոֆիլը մաքրելուց, լվանալուց հետո լավ չորացնել անձեռոցիկով:

Հարցեր, պատասխաններ, մեկնաբանություններ