Անգամ սառնամանիքին ոտքերը տաք պահելու անհավանական հեշտ եղանակ (տեսանյութ). tert.am

Stortfox.ru ռեսուրսը ներկայացրել է անգամ սաստիկ ցրտերին ոտքերը տաք պահելու անհավանական պարզ ու էժան եղանակ: Դրա համար պահանջվում է ընդամենը ջերմանդրադարձիչ նյութը, որ առօրյայում տեղադրվում է մարտկոցների հետևում և որը հնարավոր է գտնել ցանկացած շինանյութի խանութում:

Այս դեպքում հարկավոր է ջերմանդրադարձիչի շերտի վրա կտրել-հանել ձեր ոտքի չափով ներբաններ: Ապա կտրված ներբանները տեղադրել ձմեռային կոշիկի մեջ՝ մեջը եղած ներբանների տակ: Ոտքերի ավելի լավ «շնչառություն» ապահովելու համար խորհուրդ է տրվում մի քանի անցք բացել ջերմանդրադարձիչից կտրված ներբաններում՝ 3-4 մմ տրամագծով:

Դրանից հետո ոտքերը չեն սառչի, քանի որ ջերմանդրադարձիչը ոտքերին կվերադարձնի դրանց իսկ արձակած ջերմությունը և կխոչընդոտի սառնության ներթափանցմանը հողից:

---------------------

Հարցեր, պատասխաններ, մեկնաբանություններ